Football Macedonia

Катастрофа...

2007-11-25T17:24:00.000+01:00

Добивме страшна група!!! Штета, немаме среќа, влеговме во 4. барабан, ама бевме тешки малеришта на ждрепкава... А можеше да ни се паднат Грција, Бугарија, Србија, Албанија и Црна Гора... Не ми се оствари ниту една желба.

По малку се тешам со тоа што против силните репрезентации секогаш играме добро, ама од друга страна, Шкотска, Норвешка и Исланд се силни, ама не се атрактивни. Холандија ни се пациенти :-)

Уживајте

2007-11-17T23:06:00.000+01:00

Драги мои, ја имаме таа чест да бидеме сведоци на најдобриот резултат во историјата на Македонскиот фудбал: победа против 10-тата светска сила. И тоа со 2:0. Па, уживајте во привилегијата :-)

Непријател бр.1

2007-11-01T10:44:00.000+01:00

Натпревар: кој ќе најде подобра фотка и поубаво ќе го навреди Роберт Просинечки.

Награда: билет за Македонија - Хрватска.

Карикатура

Дарко100%Спорт: Педерчено Просинечки
@leks: Просинечки сељакот
Sport S: Oна ѓубрe Просинечки гомно малограѓанско простачко. Суруш.

Просинечки си чепка нос

Update: Уште една „еротска“ фотографија од Просинечки благодарение на 24Фудбал

Tags: football, Macedonia, blog, Prosinecki, Katanec, Croatia.

Бразил 2014

2007-10-31T11:48:00.000+01:00

Фудбалот се враќа дома? Страста за играта, традицијата, волјата на народот - тоа се причините поради кои организацијата му е доверена на Бразил... Се оддалечивме од техничките, финансиските и другите „модерни“ барања, а се доближивме кон традиционалното... Тоа ми се допаѓа.

Па, нека им е со среќа, а здравје, се гледаме во Бразил за 7 години :-)

Tags: football, Macedonia, blog, FIFA, Brazil, WC2014.

Мора да ја победиме Хрватска!

2007-10-26T11:22:00.000+02:00

Страшна работа! Ни се заканува опасноста да не бидеме во 4. барабан во ждрепката за квалификациските групи за СП 2010! Како што веројатно знаете, паднавме 8 места на ранг-листата на ФИФА, а тоа во рамки на УЕФА значеше пад на 36. позиција, последна која води во 4. барабан.

Накратко што значи тоа: Ако сме во 4. барабан значи дека во квалификациската група ќе добиеме полесни противници т.е. само три посилни репрезентации од нас. Во овие квалификации влеговме од 5. барабан, а со тоа ги добивме Англија, Русија, Израел и Хрватска како посилни од нас. Доколку останеме во 4. каде што сме сега, на местото на репрезентација од рангот на Израел ќе бидеме ние, а покрај две репрезентации од калибарот на Естонија и Андора, ќе добиеме уште една слаба селекција од рангот на Ерменија, Австрија, Литванија, Азербејџан...

За да се случи ова, ќе мора да освоиме бодови против Хрватска, а и Израел! Со оглед на тоа што Хрватите се 10. во светот, доволно ни е нерешен резултат за да се обезбедиме, а и доколку загубиме, ни одговара и нерешен резултат против Израел. Значи целта е - најмалку 1 бод од следните два натпревари, за сами да си го заслужиме местото во 4. барабан, а не да се молиме за чудо на другите натпревари.

Репрезентациите од 28. до 36. место одат во 4. барабан, а од 37. до 45. во 5 барабан

Оние кои можат да не загрозат се Словенија, Исланд, Ерменија и Латвија. Ерменија игра на гости против Португалија и дома против Казакхстан. Латвија игра дома со Лихтенштајн и на гости против Шведска, а Исланд на гости против Данска. Словенија, тимот што ни е најблиску игра дома против Бугарија.

Португалија - Ерменија; Ерменија - Казакхстан
Латвија - Лихтенштајн; Шведска - Латвија
Данска - Исланд
Словенија - Бугарија

Нашите натпревари се:
17.0ктомври Македонија - Хрватска
21.октомври Израел - Македонија

Имаме еден бод предност, но и реално најтешки натпревари. Јас сум оптимист, имам некое чувство дека ќе поминеме добро со Хрватска, делумно поради традицијата на фаворитите да им „расипуваме“ на крајот на квалификациите, а делумно бидејќи мислам дека имаме квалитет да го завршиме тоа што го почнавме во Загреб, а судиската неправда ни го одзема.

Update: Сега ми текна дека на Хрватска и е доволен 1 бод во Скопје за мирно да патува во Англија со обезбеден пласман на Европско првенство. Нас најмногу би ни се исплатело ако дојдат тука со бункер, т.е. на „сигурна варијанта“, ама фудбалот се игра за победа...

Tags: football, Macedonia, blog, FIFA, UEFA, WC2010, Croatia, Euro2008.

Ре-дизајн :-)

2007-10-26T02:48:00.000+02:00

Веќе ми стана навика... Ново дизајнче, малку да освежиме атмосфера. Не сум некој master of web design, па затоа (колку што знам) блогов изгледа нормално само во Firefox. Ако, пак, немате Firefox - не бидете ненормални: Download!

Оставам малку простор старите работи да заминат подолу...

Со фудбал продолжуваме од утре... Сега сум уморен :-)

Tags: football, Macedonia, blog, sport, design.

R.I.P.

2007-10-17T11:59:00.000+02:00

Ќе ни недостигаш. Навиваше за Македонија. Не можам во моментов да ја најдам неговата песна за проектот „Македонија навива“. Тој ја испеа навивачката химна на Македонија Ѓорче Петров (Download), а беше редовен на натпреварите. Ја имав честа да го запознаам.

Фотки: Со Борис од Антена5 на Олд Трафорд во Манчестер, со мене на аеродромот во Манчестер по историскиот резултат.

Блогери во Esport

2007-10-11T17:43:00.000+02:00

Во продажба е новото, октомвриско издание на Esport. Сепак, постот се однесува на следното издание. Редакцијата реши веќе од следниот број да одвои простор за блогерите од Македонија кои пишуваат за спорт.

Идејата ќе се реализира на следниот начин: Редакцијата ќе ги „листа“ спортските блогови во текот на месецот во потрага по текстови кои се напишани на истите теми како оние кои се обработуваат во списанието и оние за кои ќе сметаме дека се најквалитетни, ќе ги објавиме (секако со претходна дозвола од авторот) во склоп на самите текстови на темата напишани од редакцијата не Esport.

Идејата дојде уште минатиот месец по неколку многу интересни текстови на блоговите во врска со заминувањето на Жозе Мурињо од Челзи. Сепак, оставивме еден месец да ни созрее :-)

Би замолил сите оние блогери кои пишуваат за спорт (главно фудбал, кошарка и мотоспорт) во коментарите да ја остават својата адреса за да ни ја олеснат работата.
Се надевам дека сите ќе продолжите со квалитетни текстови како и досега, а ние освен што ќе ве промовираме, ќе им го направиме списанието поинтересно на нашите читатели.

Идеи? Забелешки? Повелете...

Tags: football, Macedonia, blog, sport, блогери.

Од Катанец до Панчев...

2007-09-18T11:00:00.001+02:00

Мислам дека се собраа доволно интервјуа во изминативе две години, за конечно да ги објавам и на блог. Да не должам многу, подолу следуваат линкови до постовите (ги ставив со постара дата, за да не узурпираат многу простор на насловна), ви го препорачувам секое, бидејќи мислам дека се интересни. Што мислите вие, ќе си пишете во коментарите :-)

Дарко Панчев
Џером Шампањ и Џејкоб Ерл
Јовица Николовски
Коста Костовски
Среќко Катанец

П.С.
Во постојан контакт сум со прес-офицерот на Болтон, па веќе утре ќе знам дали ќе правам интервју со Николас Ањелка, Ел-Хаџи Диуф или некој друг првотимец на Болтон кој тие ќе ми го понудат (овие првиве двајца се моја желба).

Tags: football, Macedonia, Katanec, Pancev, Kostovski, Nikolovski, interview.

Еспорт бр.32

2007-09-17T12:08:00.000+02:00

Тоа е тоа - во продажба е! Слушнете ја радио-рекламата како preview, а прочитајте го и интервјуто со Дарко Панчев како најава за содржините од новиот број. Интервјуто е објавено на Он.нет, а коментари очекувам тука :-)

Репрезентација

2007-09-13T14:45:00.000+02:00

Оние што не се подготвени да одвојат подолго време да го прочитаат постот, нека си заминат веднаш :-)

Се случија многу работи околу нашата репрезентација, па во следниве редови ќе се обидам да направам осврт и се надевам дека мојот текст ќе предизвика плодна дискусија меѓу останатите на кои репрезентацијата им значи нешто.

За резултатот во квалификациите

Квалификациите за Еуро 2008 за нас и теоретски се завршени. Немаме ниту теоретски шанси за повеќе или помалку од пласман на 5-то место. Остануваат натпреварите против Хрватска и Андора (во Скопје) и против Израел, на кои единствен ќар може да ни биде качувањето на рејтингот на националниот тим.
Во однос на Израел, Англија, Хрватска и Русија, Македонија има послаба репрезентација, па така морам да констатирам дека овој резултат во квалификациите не смее да се смета за неуспех, но ниту за успех. Едноставно, тоа е нашата реалност, толкави се нашите реални можности во моментов.

Пресуда: Влеговме во уште едни квалификации во кои немавме јасна цел. И претходно сум пишувал за ова: наместо да ја создаваме атмосферата и еуфоријата пред натпреварите на кои сме имале реални шанси за победа и остварување резултат, ние тоа го правиме тогаш кога немаме. Требаше да се постави целта: 4-то место, а бодовите да се бараат против Естонија и Андора, како и на натпреварите дома против Израел, Хрватска и Русија. Со 4-то место, би биле еден барабан погоре во следните квалификации, со што ќе избегнеме противник како Израел, а ќе добиеме противник од наш ранг, па така, чекор по чекор ќе го градиме патот кон првите 3 места во групата.

За селекторот Катанец

Непобитен факт е дека по неговото доаѓање на селекторската функција, се случија интересни фудбалски промени во Македонија. Она што го доби Катанец од страна на ФФМ (за првпат, за разлика од она што го имаа останатите селектори) се максимални услови за работа со националниот тим. За првпат поминавме еден квалификациски циклус во кој немаше потреси во репрезентацијата, атмосферата беше на високо ниво, постоеше ред, дисциплина и единство во тимот, а воедно и поддршка и почит од сите фудбалери за селекторот. Катанец е првиот селектор чие име повеќекратно било скандирано на Градски.
Со доаѓањето на Катанец, фудбалската репрезентација како да стана поширок интерес на целокупната јавност, а не само на оние 2-3 илјади луѓе кои би дошле да гледаат фудбал на Градски дури и против Андора во јануари на -5 степени. Тоа се оние позитивни страни.

Според мене, доколку во нашата земја се доведуваат фудбалери или тренери, селектори од странство, тогаш тие мора да бидат подобри од домашниот кадар. Факт е дека Катанец е подобар од нашите тренери во сето она што беше напишано погоре, но на крајот, фудбалот се сведува на резултатите - а тие не се подобри. Среќко Катанец зема 10 пати поголема плата од кој било селектор досега, а не успеа да направи ниту 10% подобри резултати.
Сепак, факт е и дека не може да очекуваме премногу доколку знаеме дека имаме селектор што е надвор од Македонија преку цела година, а доаѓа тука само неколку денови пред натпревар. Но, за ова вината не треба да ја бараме кај Катанец (како што тоа го прават некои медиуми/новинари), туку во ФФМ, институцијата која му понуди таков договор што не го обврзува да биде во Македонија цело работно време. Во интервјуто кое го правев со Катанец пред неколку месеци, тој истакна дека токму тој дел од договорот е она кое било клучно да прифати работа во овој период од животот, бидејќи има потреба да биде блиску до фамилијата во Словенија.

Пресуда: Договорот на Катанец ќе заврши со крајот на овие квалификации во ноември, а потоа треба да се одлучува: да остане или да си оди? Под претпоставка дека тој сака да остане, а ние треба да решиме дали да му понудиме продолжување на договорот, доколку јас одлучувам, тогаш би се решил за следнава варијанта: Да се побара план и програма од селекторот за развој на репрезентацијата, подготовки во периодот пред стартот на следниот квалификациски циклус, одигрување доволен број пријателски натпревари на кои би биле повикани барем 30-40 фудбалери кои ќе добијат шанса да се докажат (меѓу кои и оние од младинската репрезентација) и понудување гаранција за резултат – ова последново значи дека Катанец би се обврзал финансискиот дел од договорот да зависи од резултатот што ќе го оствариме во следните квалификации. Што би правеле вие со Катанец, повелете и напишете подолу во коментарите.

За медиумите

Како никогаш досега, еден наш селектор (па и целата Федерација) беше во борба со медиумите. Вистинска комедија беше она што се случуваше на последните неколку прес-конференции, каде дел од новинарите, наместо да поставуваат новинарски прашања (како во секоја културна земја во светот) се обидуваа да го караат, критикуваат и полемизираат со Катанец. Имаше и моменти кога звучеше како тие да му делат совети за тактиките, игрите, па што е и најсмешно да му објаснуваат дека не може да биде селектор доколку не е во Македонија цело работно време - па луѓе, тоа е проблем на ФФМ со договорот што му го понудиле на Катанец, а местото за критика е во самите медиуми, а не лице во лице на прес-конференција.
Во многу моменти, со оглед на тоа што сум длабоко вмешан во медиумскиот простор, добивав чувство дека дел од новинарите дури и посакуваат репрезентацијата да загуби за да можат да продолжат да ја водат својата војна со селекторот.
Грешката на Среќко беше што се нафати да ја игра оваа игра на медиумите и во многу ситуации дури и изгледаше смешен.
Во секоја земја, медиумите и навивачите се движечката сила на еден национален тим - работат со цел репрезентацијата да оствари што подобри резултати. Во Македонија, овој последен квалификациски циклус, не беше така. Специјално право на секој медиум е самиот да си ја креира својата уредувачка политика, но мислам дека морална обврска е да се работи во интерес на националниот тим.

За Величе и А1 Телевизија

Нема сомнение дека Величе е кривецот во целата ситуација. На оваа тема веќе се кажа многу и се согласувам со констатацијата дека без разлика на се што еден медиум/новинар ќе каже за еден фудбалер/тим, се додека не е навреда, не смее да предизвика таква реакција како онаа на Величе. Заслужено си ја доби казната од ФФМ (која инаку се сомневам дека ќе ја плати).

Сакам да обрнам внимание на нешто друго, бидејќи и во оваа сфера, ние не функционираме како нормалните земји во светот. Кај нас, медиумите имаат пристап 24/7 до фудбалерите, им се јавуваат по телефон (да не речам досаѓаат) и т.н. Во една Англија, ниту еден новинар не смее воопшто да му пријде на фудбалер и да зборува со него додека прес-офицерот на репрезентацијата не му даде дозвола. Така во Англија (и секаде во Европа) се штитат фудбалерите и медиумите од вакви несакани ситуации.
Кога Англија дојде во Скопје, се знаеше точно кога, како, колку време и по колку прашања може секој новинар да постави за фудбалерите. Кај нас е „дива лига“ – ТВ екипата и новинарите на терен за време на тренинг, им влетуваат на фудбалерите кога ќе им текне и ги прашуваат што ќе им текне. Треба уште многу да работиме во овој сегмент од водењето на процесите во репрезентацијата.

Ова е само прв од неколкуте текстови кои планирам да ги напишам за нашата репрезентација, а веќе се подготвени. Правам посебен осврт на фудбалерите т.е. играчкиот потенцијал на Македонија во секоја линија од тимот: голман, одбрана, среден ред и напад. Сакам прво со вас да продискутирам на овие неколку теми, па потоа и заедно низ дискусија да го изградиме мислењето за оние 30-40 најдобри фудбалери во Македонија: кој треба, а кој не треба да биде во националниот тим, кој да биде во првите 11, а кој да биде на клупа, кој на која позиција треба да игра, на кој што му недостига во играта. Ќе подготвам и анкета на која како можни одговори ќе ги поставам имињата на овие фудбалери, па заедно да го изгласаме првиот тим, па потоа и резервите, најдобрите млади фудбалери...

Сега за сега, ги очекувам вашите коментари за овие квалификации, Катанец, медиумите, Величе...

Tags: football, Macedonia, Katanec, Velice, репрезентација.

Пријавете ја статијава на Кајмакот

Ме нема...

2007-08-20T11:01:00.000+02:00

Не дека немам идеи и теми за пишување, но зафатен сум со годишни одмори и со Esport. :-) Почнува фудбалската сезона, па следниве денови ќе се појавам со неколку постови. Сега можам да ви препорачам да си го купите новиот број на Esport ;-)

Инаку, ме имаше и на телевизија, во емисијата „Македонија Навива“, но за тоа во следниот видео-пост :-)

Уште нешто. Кога веќе Дарко праша за ова, сакам и јас: го купувате ли Esport? Го читате ли? Што мислите за единственото македонско спортско списание? Што ви се допаѓа, што не ви се допаѓа, што мислите дека недостига, а што е вишок? Вашето мислење се цени! Повелете со коментар.

Tags: football, Macedonia, Esport, МакедонијаНавива, poll.

Пу! Пу! Не важи!

2007-05-29T03:02:00.001+02:00

Тие што го следат блогот знаат дека ретко се истрчувам со изразување мислење или коментар за некоја ситуација, но во случајот со избор на национален дрес (MKSportID) признавам дека избрзав.

Иако сакав порано да го постирам текстов, не успеав да најдам време, но се уште не е доцна.

Откако се сретнав со Марјан од IDMacedonia ми беа разјаснети голем дел од нејасните работи во врска со изборот за национален дрес. Се сретнав со човекот за потребите на новиот број на Esport каде ќе има повеќе детали за изборот на дрес и пријатно ме изненади што тој го читал мојот блог и беше расположен да одговори на сите дилеми.

Пред да поентирам, морам да повторам дека немам симпатии кон ниту еден од трите предложени дизајни за дресови и мислам дека во Македонија има луѓе кои можат да направат подобро, но ВКУСОВИТЕ НА СТРАНА! Вкусот не е нешто за кое се дебатира. Благодарение на средбата со луѓето од IDMacedonia, ми беа разјаснети многу детали кои досега не ми беа познати и сакам јавно да ја истакнам мојата поддршка за проектот!

Изборот е тој. Вие ја имате можноста да гласате. Ако не гласате, ќе пропуштите да бидете дел од историјата. Кога веќе се решив да гласам, го дадов својот глас за дресот број 1, особено откако ги погледнав дополнителните цртежи кои ми ги посочи Предраг Ристиќ.

Штом ќе заврши гласањето, ќе ги објавам дизајните кои ги собрав, а кои не влегле во финалниот избор, а како есктра информација и тоа дека ќе биде организирана посебна изложба со сите пријавени дизајни за дресови.

Tags: football, Macedonia, dress, MKSportID, design, Македонија, дресови, Esport.

Црвено-црни

2007-05-29T02:48:00.000+02:00

Во знакот на овие две бои помина минатата недела. Милан ја освои Лигата на шампионите, а Вардар триумфираше во Купот на Македонија. Исти бои на победниците, ист резултат во финалните натпревари.

За ЛШ не би сакал премногу да се расплинувам, сите гледавме, сите знаевме дека нема да се повтори Истанбул 2005 (во однос на возбудливоста и бројот на голови) и се очекуваше тврд натпревар со тактичко надмудрување. Во новиот број на Esport кој е во подготовка во моментов, анализа на финалето на Драган Николовски (А1 тв) и стручна анализа на Никола Илиевски - Џиџи.

Разликата меѓу двете финалиња за кои пишувам е таа што безмалку сите на Градски во Скопје беа 99,9% убедени во победа на Вардар. Тоа и се случи. Како, зашто, не би сакал да коментирам. Сите имате очи и верувам дека ако се наоѓате на блогот колку-толку следевте што се случуваше на последните два натпревари помеѓу Вардар и Победа. Во стилот на Бошко Трпевски кога има „судиски неправди против Силекс од Кратово“ ќе речам само: проценете сами дали се работи за договорени натпревари.

Tags: football, Macedonia, Vardar, Liverpool, Milan, final, Champions League.

Ливерпул победува!!!

2007-05-21T00:48:00.000+02:00

„Pele puts his money on Milan“

The countdown to the Champions League Final continues and Pele has tipped Milan to take the trophy thanks to Kaka and Clarence Seedorf.

Ако ги следите „типувањата“ на Пеле во текот на последниве неколку години ќе знаете за што зборувам :-)

Само како информација, последната легендарна прогноза на Пеле во 2000 беше дека некоја репрезентација од Африка со сигурност победува на Светското првенство во 2002 или 2006.

Линк до изворот: Channel4

Tags: football, Macedonia, Pele, Liverpool, Milan, final, Champions League.

Браво Севиља!

2007-05-17T00:50:00.000+02:00

Во увертирата пред финалето на Лигата на шампионите следната недела, Севиља по втор пат го освои Купот на УЕФА. Искрено, во текот на натпреварот моите симпатии беа повеќе накај Еспањол.

Единствен тим со Реал Мадрид
што го одбранил пехарот во Купот на УЕФА

Од финалето можат да се извлечат две важни поуки. Првата е дека никогаш не треба да си поигруваш и да го потценуваш противникот, колку и да е послаб од тебе во моментот. Еспањол останаа со 10 играчи по црвениот картон и капитулираа во првото продолжение. Фудбалерите не можеа да одат од замор, едноставно беа очајни. Во тие моменти, Севиља имаше шанси барем за 4:1 или 5:1, но глумеа фраери во нападите во кои излегуваа сами пред противничкиот гол и се смешкаа на промашувањата. Тоа им се врати со голот на Еспањол и одењето на пенали каде лесно можеа да загубат.

Втората поента ми е за Севиља како клуб. Два пати по ред триумфираат во Купот на УЕФА, а во конкуренција се за титула во Шпанија и во финалето на Купот на Шпанија. Прашањето е: дали Севиља станува дел од елитните клубови во Европа? Одговорот ќе го дознаеме на стартот на следната сезона кога ќе играат и во Лигата на шампионите. Реално, иако имаат теоретски шанси за титулата во Шпанија, тешко е за верување дека и Реал и Барса ќе направат такви киксови. Купот можеби ќе го освојат (во финале против Гетафе).

Врзаа две добри сезони по ред, а вистинскиот тест за влезот во елитата ќе биде следната година. Можни се две сценарија. Страв ми е дека ќе им се случи истото што им се случи и на други шпански клубови што имаа свои моменти на блесок. Најсвеж пример е Виљареал, кој од полуфиналист во Лигата на шампионите, сега има само мали шанси за пласман во Купот на УЕФА. Од порано, знаеме што се случи кога Бетис играше во Лигата на шампионите (сега се на работ на опстанок), а ситуацијата на Севиља е најслична со таа на Реал Сосиедад. Од кандидати за шампионската титула и учесници во Лигата на шампионите, Реал Сосиедад следната сезона едвај се спаси од испаѓање од Примера.

Ова лето ќе биде клучно доколку раководството на Севиља сака да го промовира клубот меѓу шпанската и европската елита. Мора да се инвестира во подлабок состав на фудбалери кој ќе издржи да се бори на два фронта, дома и во Европа. Ако, пак, помислат дека со сегашниот состав ќе успеат исто како изминативе две години, ќе се излажат. Купот на УЕФА е далеку под нивото на Лигата на шампионите (иако квалитетот се зголемува од година во година), а не смеат да заборават дека на патот до финалето имаа и многу среќа (ако се сеќавате на голот на голманот Плаоп во 90-тата минута од натпреварот против Шахтијор).

Двете титули во Купот на УЕФА не значат влегување во таа елита. Тоа е само почеток на патот за влез меѓу најсилните.

Tags: football, Macedonia, UEFA, Cup, Sevilla, Primera, Champions League.

Изборното Собрание ќе биде нелегитимно! (?)

2007-05-15T15:22:00.000+02:00

Само што се вратив од прес-конференцијата на Харалампие Хаџи-Ристески на која тој уште еднаш понуди аргументи за неговата и легитимноста на целото актуелно раководство на ФФМ. Се што кажа Хари можете да прочитате и тука.

Она што нема да го прочитате е следново: според Хаџи-Ристески, од УЕФА децидно се изјасниле дека „без разлика на тоа кои и колку делегати ќе присуствуваат на Изборното Собрание организирано од Иницијативниот Одбор (сабота, 19. мај), УЕФА нема да го признае за легитимно! Дури и да присуствуваат 80 и повеќе делегати, собранието нема да биде признаено за легитимно од УЕФА“.

Ја загуби битката на домашен терен,
ама изгледа победи на гости кај УЕФА

Се поставува прашањето дали од Иницијативниот Одбор знаат за ваквиот став на УЕФА и доколку ставот на Европската куќа на фудбалот е таков - каква е целта и логиката воопшто да се организира собранието?!

Tags: football, Macedonia, FFM, Hadzi-Risteski, UEFA, фудбал, Македонија.

Додадени неколку линкови...

2007-05-15T10:19:00.000+02:00

Чисто информативен пост, додадов неколку нови линкови до спортски блогови кои ги открив изминатите неколку дена. Блогролот е од десна страна, а ако воочите дека некој ми недостига, слободно пишете :)

Следуваат многу интересни настани: разврска на првенствата во Шпанија и Германија, борба за опстанок во Италија, финалиња од Лига на шампиони и Куп на УЕФА, а за мене и најинтересното: финалето на Купот на Македонија. Следните постови ќе се движат горе-долу на овие теми...

Tags: football, Macedonia, links, blogroll, Champions League, фудбал, Македонија.

Kој ќе ја освои Лигата на шампионите?

2007-05-11T10:38:00.000+02:00

Милан! Зашто?

Во 1969 Милан ја освои ЛШ во иста година со правењето на филмот „Италијанска работа“. Во 2003 беше направено ново издание на истиот филм, а Милан повторно триумфираше. Во 2007 се подготвува и третата преработка на истиот филм, па можеби тоа повторно ќе му донесе среќа на Милан.

Мислите дека ова е тешко да се оствари?
Во сите години кои завршуваат на 7, титулата ја освојувале тимови кои биле сметани за аутсајдери, таков дефинитивно беше Милан (во однос на другите учесници), а богами и Ливерпул. Во 1967 Селтик го победи Интер, 1977 Ливерпул ја победи Борусија Менхенгладбах, 1987 Порто го победи Баерн Минхен, а 1997 Борусија Дортмунд го победи Јувентус. Сега, во 2007 во финалето ги имаме Милан и Ливерпул, а кој го очекуваше тоа? Никој!

Клуб од Италија „мораше“ во финале!
Во двете претходни финалиња во Атина, играше по еден клуб од Италија. Во 1983 Јувентус загуби од Хамбургер, а во 1994 Милан ја победи Барселона.

Милан се свињи!
Да, да. Свињи! Според кинескиот календар, 2007 е година на свињата, а Милан е клуб што е формиран во годината на свињата. Што е уште поинтересно, Карло Анчелоти е роден во година на свињата.

Зашто би победил Ливерпул?
Досега, само еден тим од земјата што го освоила Светското првенство веќе следната година успеал да триумфира во финалето на Лигата на шампионите (Баерн Минхен во 1975). Исто така, сите тимови од Италија што учествувале во финалињата во години што завршуваат на 7 биле поразени! Во 1957 Фиорентина загуби од Реал, 1967 Интер од Селтик, 1997 Јувентус од Борусија, 2007 Милан ќе загуби од Ливерпул... Или не?

П.С.
Ова е извадок од мој текст во списанието ClubFootball (денешно Esport) објавен во ноември 2006.

Tags: football, Macedonia, Milan, Liverpool, Champions League, фудбал, Македонија.

Два месеци подоцна...

2007-05-10T12:25:00.000+02:00

Со доцнење како што доцнат со изградбата на спортската сала „Борис Трајковски“, конечно качив дел од сликите од Хрватска на веб.

Ова е мое прво гостување со репрезентацијата што го загубивме. Претходно, во Англија и Албанија немавме пораз :-). Линковите до сите фото-стории се во десната лента на блогот, сликите се хостирани на Flickr.

Можете да видите само мал избор на фотографии (околу 30-тина) од трите гостувања на репрезентацијата.

П.С.
Утре излегува во продажба новиот број на Esport. Ексклузивно, можете да ја погледнете корицата, а што се однесува до сториите, верувајте ќе има што да прочитате (Ситуацијата во ФФМ, разрешувањето на Ѓоре Јовановски, проблемите во Шпанија, изборот на Полска и Украина за домаќини на Еуро2012, кариерата на Вејн Руни, новиот скандал во Италија, специјален водич за финалето на ЛШ во Атина, Рос Браун, Луис Хамилтон, новите НБА ѕвезди од НЦАА и уште многу фудбал, кошарка и мотоспорт...)

Линк: Хрватска - Македонија (2:1) на Максимир, Загреб.

Tags: football, Macedonia, Croatia, Maksimir, Zagreb, Katanec, Bilic, Esport, photo, Македонија.

Скопје ќе трча

2007-05-10T00:54:00.000+02:00

На страна од фудбалот... Денеска бев на последната прес-конференција на организаторите на Скопскиот полумаратон 2007. За тие што не се запознаени со ова, ќе се случува овој викенд, а можете да учествувате сите!

Скопскиот полумаратон ќе стане традиција, а мислам дека и редно време беше да добиеме ваква спортска манифестација, како што имаат сите нормални градови на планетава. Сигурно нема да биде со преку 50.000 учесници како Њујорк, Бостон, Лондон, Париз, Берлин... Но, важно е да се почне од некаде, па мислам дека во следните години сето ова ќе добие на масовност.

Пријавете се и трчајте! Esport е меѓу медиумските спонзори на настанот, па така јас ќе бидам во ложата, ќе трчам од следната година :-) Подобро да се пријавите за да трчате бидејќи пола град ќе биде блокиран :-).

Линк: Скопски полумаратон

Tags: football, Macedonia, Скопје, маратон, атлетика.

Иницијатива: MKSportID

2007-05-08T13:49:00.000+02:00

Ентузијазмот на почетокот на акцијата за избор на нов национален дрес за сите спортски репрезентации беше голем. Сепак, како што се ближиме до конечниот избор, незадоволството кај луѓето од самиот избор е очигледно и тоа ме натера да покренам една интересна иницијатива.

Со ред, првите контраверзи се појавија со пишувањата на Дневник (како што разбрав) дека Каролина фаворизирала еден дрес, но подоцна се испостави дека новинарот грешел и следеше демант - Каролина на својот концерт ги презентирала сите три дресови.

Втората контраверзна ситуација е тоа што вчера на А1 ја немаше најавената емисија, не знам од кои причини кога цел викенд одеа реклами и најави?!

Најавената емисија уште ја нема

Трето е самиот избор. По форумите кои ги посетувам и неколку блогови, луѓето јасно го искажаа своето незадоволство од трите финални решенија за кои треба да се гласа.

Затоа, како уредник на единствениот спортски магазин кај нас, Esport, покренав иницијатива за објавување во јавноста и на останатите дизајни кои не влегле во потесниот избор. Контактирајте ме ако сте заинтересирани да го објавите вашиот дизајн што сте го пријавиле на конкурсот, а мислите дека е подобар од 3те финалисти.

Ова најмногу личи на фудбалски дрес
од 3-те понудени решенија

Чекам и ваш коментар за целата ситуација.

Мојот личен став е дека главната грешка е кај спортските федерации и прашањето до нив е: според кој критериум им ја доверија организацијата на оваа акција токму на оваа агенција (ID Macedonia)? Втората спорна ситуација е самата жири-комисија - не сум компетентен да кажам дали изборот на членови на ова жири е во ред, но сакам да прашам кој е компетентниот што го направил изборот на жирито?

Лавот е дефинитивно најуникатен дизајн :)

Последно и можеби најважно за конечниот епилог е поврзано со производителите на спортска опрема. Сите големи компании (Nike, Adidas, Puma...) имаат свои дизајни секоја година во кои подоцна се вклопуваат идеите на самите клубови, репрезентации... Ниту еден
од дизајните не е „компатибилен“ со ниту еден дизајн на спортски дресови кој се произведува во моментов. Дали некој се консултираше со производителите на спортска опрема и ги праша дали ќе можат да го изведат ова?

„Облека за дворски шут или кловн“ -
најчестиот коментар за овој дрес

Црното сценарио на кое помислувам е појавување на некоја домашна компанија која ќе ги произведува дресовите, но не сакам да верувам дека тоа ќе се случи - замислете колкава пара е во игра за тој што ќе го „лапне“ тендерот (ако има тендер, нели) за производство на дресовите на сите спортски репрезентации што ги имаме. А квалитетот на материјалите? За тоа во следниот пост на оваа тема.

Веќе добив 10-тина дизајни кои мене лично многу повеќе ми се допаѓаат од сите 3 финални решенија. Очекувам уште!

Сосем за крај линк за тие што сакаат да гласаат за едно од 3-те понудени решенија: MKSportID.

Јас нема да гласам. Би имал грижа на совест доколку ја видам фудбалската репрезентација во нешто вакво на терен.

Tags: football, Macedonia, dress, MKSportID, design, Македонија, дресови, Esport.

Нека биде финале...

2007-05-03T10:42:00.000+02:00

Ако некој ми кажуваше дека некогаш во блиската историја во финалето на Лигата на шампионите повторно ќе играат Милан и Ливерпул, немаше да верувам, но и тоа се случи. И тоа втор пат на Балканот (Истанбул и Атина).

Очекував финале Челзи - Манчестер. Да бидам попрецизен, во мај сакав 3 финалиња меѓу Челзи и Манчестер - натпреварот во Премиер лигата (што ќе решаваше за титула, но Челзи зафркнаа работа со Болтон), Лигата на шампионите (тука и Манчестер зафркнаа), а остана само финалето на ФА Купот.

Сакав тоа да се случи за да гледаме судир на две различни фудбалски филозофии. Во Манчестер го гледам трофејниот клуб со долга традиција и трпеливо граден состав на фудбалери во текот на повеќе години. Постои баланс помеѓу фудбалерите, од легендите на клубот, преку младите таленти, докажаните фудбалери и такви што во Манчестер се издигнуваат кон врвот на своите кариери.

Во Челзи, пак, ја гледам другата, „нова“ страна на фудбалот. Далеку од тоа дека Челзи нема традиција, но она што денеска е состав на фудбалери на клубот е направено експресно, врз основа на голем буџет, а не долгогодишни стратегии и планирања. Немам ништо против Челзи или начинот на кој е составен овој тим. Но, едноставно недостига оној фудбалски „шарм“ кој со себе го носат фудбалери како Сколс или Гигс.

Токму тој фудбалски шарм, според мене, е она што ги прави некои клубови ГОЛЕМИ (или гиганти, како сакате), а други мали. Мурињо често сака да каже дека Челзи е голем клуб како останатите во Европа, а како главен аргумент го спомнува квалитетот на фудбалерите кои денеска играат во синиот дрес и моменталната сила и успеси на Челзи. За мене, фудбалска големина не се мери така. За мене „големи“ клубови се оние во кои се уште има барем некакви остатоци од фудбалот во минатото, кога најпопуларниот спорт не се вртеше околу парите, туку околу самата фудбалска игра.

П.С.
Можно ли е овогодинешното финале да биде поинтересно од тоа во Истанбул?

Tags: football, Macedonia, Chelsea, Manchester, Champions League, Mourinho, Македонија.

Скоро сме готови

2007-05-01T02:07:00.000+02:00

Привршуваме со подготовките за новиот број на Esport. Им благодарам на сите за конструктивните критики, според кои се водевме и мислам дека веќе во мајскиот број успеавме да средиме многу од недостатоците.

Досега се оди според планот, така што мајскиот број ќе излезе во продажба на 7 мај (понеделник).

Утре се играат реванш-полуфиналните натпревари од Лигата на шампионите, Челзи ја загуби титулата (спротивно на моите очекувања, но сами се криви што не го искористија киксот на Манчестер против Мидлзброу, а самите направија кикс со Болтон), Интер освои титула во Италија, Јуве се враќа во Серија А, АЗ Алкмар се најголеми пациенти што ја пропуштија титулата во Холандија, а Баерн исто така што нема да играат Лига на шампиони следната сезона. Шпанија е во тотален фудбалски хаос. Се согласувам со ставовите на Дарко.

Ова накратко нафрлав теми на кои сакам да пишувам, па од среда натаму очекувајте поголем број на текстови, се надевам интересни за читање, главно мои анализи на овие ситуации.

П.С.
Менувам 2 плочки од 128 рам за една од 256 (ддр)

Нов спортски магазин

2007-04-13T01:33:00.001+02:00

Поради моите нови професионални обврски кои не ми дозволуваат доволно слободно време за да бидам активен на блогот, од денеска го ставам блогот во мирување.

Како замена, можете да тркнете до првата трафика и да го набавите новиот и единствен спортски магазин во нашата земја: Esport.

По две години постоење и 26 изданија, Club Football порасна и се претвори во Esport. Сега, на повеќе страници, поголем формат и со сите спортови.

Иако е петок 13-ти, мислам дека ова е среќен ден за секој љубител на спортот бидејќи верувам дека Македонија и спортската јавност конечно доби спортски магазин каков што заслужува.

Мотив повеќе можеби ќе ви биде фактот што тимот кој досега работеше на Club Football за потребите на Esport се прошири со уште двајца блогери: Енко (maknba.com.mk) и Дарко (100%Sport). Голема благодарност и до Дарко (Комуникации) чии совети беа драгоцени во трансформацијата на Club Football и подготовката на Esport.

Уживајте во новиот магазин.

Избори

2007-03-15T20:10:00.000+01:00

Ме немаше подолго време поради многуте обврски, а делумно и поради проблемите кои ми ги направи Blogger, но тоа е минато и се враќаме на фудбалските теми. Има многу за што пропуштив да пишувам, најмногу за стартот на втората полусезона во нашето првенство, но во моментов најважно е Генералното Собрание на ФФМ.

Се случија многу чудни работи во изминативе 2 недели, но bottom line е дека во сабота ќе биде познато каков ќе биде епилогот. Ситуацијата може да отиде во 3 правци:

1. Хаџи-Ристески да ја добие поддршката на Собранието и да си го продолжи својот мандат до 2009. Она што се заговара во овој табор е и смената на Статутот на ФФМ и многу е веројатно и Лазар Митровски да се врати на функцијата Генерален Секретар. Хаџи-Ристески треба да собере 55 делегати на Собранието во сабота во хотел Дрим во Струга.

2. Хаџи-Ристески да не собере кворум за Собранието, а мнозинството од делегатите да го поддржат Емил Божиновски и Иницијативниот Одбор. Од тука е јасно дека следува ново Изборно Собрание и целосна реконструкција на ФФМ.

3. Да се создаде ситуација на паралелни раководства на ФФМ. Што значи ова? Хаџи-Ристески да обезбеди „тенко“ и контраверзно мнозинство, а од друга страна Божиновски и Иницијативниот Одбор да не го признаат за легитимно Собранието на ФФМ и да организираат свое вонредно Собрание. Ова е најлошата варијанта во која секој би се сметал за победник, а епилогот ќе биде познат дури по судски пат.

Според моменталната состојба, моја оценка е дека 3-тата варијанта е најреална да се случи. Во сабота одам во Струга со свои очи да го видам Генералното Собрание, а ќе се потрудам до тогаш да дадам детална анализа на состојбите. Овој пост е само како повод за ваши коментари или реакции (па и прашања) за целата ситуација.

Детално сум запознаен со сите случувања и можете слободно да прашате што ве интересира, но и да очекувате еден огромен текст во текот на утрешниот ден во кој ќе ви ги разјаснам сите работи кои се случуваат во моментов во мак-фудбалот.

Tags: football, Macedonia, FFM, Bozinovski, Hadzi-Risteski, фудбал, Македонија.

Репортажа: Албанија

2007-02-12T00:42:00.000+01:00

Минатата недела го реализирав моето второ патување со репрезентацијата на Македонија. По она во Манчестер (Англија) сега бев во Албанија (Драч и Скадар). Јасно е дека не може да се прави никаква споредба на двете патувања.

На море во февруари:
Шеталиште покрај брегот во Драч

Драч

Доаѓањето во Драч беше само прошетка бидејќи не стигнавме на време да се видиме со фудбалерите кои заминаа за Скадар. Драч е туристички град, а бидејќи е февруари имаше многу мала фреквенција на луѓе. Имавме среќа со временските услови па за првпат пиев кафе на плажа во февруари! Хотелот во кој бевме сместени беше одличен. По вечерата во еден ресторан, не успеавме да најдеме ниту еден локал за забава во вечерните часови и бевме во кревет веќе пред полноќ.

Хотелот на нашата репрезентација во Скадар

Скадар

За разлика од Драч, во Скадар веќе се почувствувавме како во урбана средина. Во градот имавме време само за кратка прошетка и ручек по што следеше натпреварот. Вториот ден од патувањето немавме среќа со временските услови па накиснавме од дожд веќе на патот кон стадионот. Околу стадионот се случуваше вистински хаос бидејќи организацијата беше на навистина ниско ниво.

Навивачите од Македонија

Чудна работа е тоа што Албанците од Македонија изгледа повеќе ја поддржуваат репрезентацијата на Албанија од самите Албанци кои живеат во оваа земја. Крајно варварско беше однесувањето на оние 100-тина навивачи кои ги вознемируваа нашите репрезентативци со урлање пред хотелот во кој тие беа сместени. Албанците со кои имавме контакт во Драч и Скадар беа неверојатно пријателски расположени и услужни кон нас.

„Свечената ложа“ и столчињата за новинарите

Стадионот и натпреварот

Условите во кои новинарите го гледаа натпреварот беа (најблаго кажано) мизерни! Ниту еден дел од стадионот (освен „свечената ложа“ која собира 5 луѓе) не е покриен па така столчињата беа полни со вода, а трибината на која се наоѓавме повеќе личеше на рушевина отколку на дел од стадион. На трибината останав околу половина час, се до голот на Ристиќ по кој почна да „истура“ дожд. Засолниште најдовме во кафеаната која се наоѓаше во подтрибинскиот простор каде на телевизија го догледавме остатокот од мечот.

Второ полувреме во кафеана поради лошите временски услови

На крај, заклучокот е дека пријателскиот натпревар со Албанија не беше најсреќен избор на ФФМ и селекторот Катанец. Ако патувањето во Манчестер минатата година претставуваше незаборавно фудбалско искуство, посетата на Албанија беше само обична прошетка. Колку добро го искористивме терминот за подготовка ќе се покаже дури во март на натпреварот против Хрватска.

Tags: football, Macedonia, Albania, репрезентација, фудбал, Македонија, Friendly.

Албанија - Македонија Фото

2007-02-11T19:24:00.000+01:00

Еве ги и фотографиите од Албанија, наскоро ќе следи и текст.

Клик на фотографијата ќе ве однесе до целиот албум.

Tags: football, Macedonia, Albania, репрезентација, фудбал, Македонија, Friendly.

Албанија - Македонија Видео

2007-02-11T19:07:00.000+01:00

Ова е се што успеав да снимам во Албанија, немаше и што многу да се снима.

На десниот крај од трибината (крајот на видео-клипот) се гледаат оние навивачи на Албанија кои допатуваа од Македонија. Ова е снимено пред самиот почеток на натпреварот и можете да забележите дека има малку публика.

Tags: football, Macedonia, Albania, репрезентација, фудбал, Македонија, Friendly.

Албанија - Македонија

2007-02-05T16:22:00.000+01:00

Утре заминувам во соседна Албанија за пријателскиот натпревар на нашата репрезентација против Албанија. Во однос на натпреварот, кажав и претходно низ коментарите: очекувам победа (0-2 ако мора да прогнозирам), но најважно ќе биде да се воиграат репрезентативците пред натпреварот против Хрватска.

Малку чуден стадионов а?

Утре сум во Драч, а задутре во Скадар каде ќе се одигра натпреварот. Се надевам дека чудниот стадион на домаќините ќе биде полн до последно место. Ве поздравувам, а додека ме нема слободно можете да тркнете докај новиот член на „Македонската Заедница на Спортски Блогери“ (ова сега ми текна :-)) -> Тод (инаку минатогодишен шампион во Fantasy Premier League од Македонија).

П.С.
Ако се дограбам до интернет конекција во Албанија, ќе постирам по некоја слика и збор-два текст.

Tags: football, Macedonia, Albania, репрезентација, фудбал, Македонија, Friendly.

Чудни фудбалски правила

2007-02-03T01:42:00.000+01:00

Кога пред некое време седев на пиво со Владо, низ некој муабет ме потсети на еден текст кој го пишував во Club Football уште одамна. Денеска случајно ми падна во рака тој број од списанието (бр.14 април, 2006). Текстот ги опишуваше најчудните фудбалски правила кои ретко кој ги познава бидејќи ретко се практикуваат на натпреварите. Решив да пренесам 2 такви правила, ме интересира дали сте слушнале за нив?

Правила што не ги знаат ни судиите :-)

1. Замени: знаете ли дека секој фудбалер кој е во игра има право да одбие да биде заменет? Да! Во ваков случај, никој нема право со сила да го избрка од теренот. Иако тренерот може да побара замена, фудбалерот кој не сака да биде заменет само треба да го извести судијата за својата одлука.

2. Пауза на полувремето: знаете ли дека капитените на двата тимови можат да се договорат да нема пауза меѓу двете полувремиња од еден натпревар? Да! Паузата од 15 минути е максимумот пропишан од ФИФА, а капитените се тие што во договор со судијата можат да одлучат паузата да трае помалку или воопшто да ја нема.

Интересно нели? Малку да ја разведриме атмосферата, некако не сакав да напишам „тежок“ текст околу мак-фудбалов, ќе оставам тоа за утре-задутре.

Tags: football, Macedonia, ClubFootball, правила, фудбал, Македонија, FIFA.

Блогерите рекоа НЕ!

2007-02-01T00:26:00.000+01:00

Не од блгерите за раководството на ФФМ

Слободно коментирајте ги резултатите од анкетата, а од вашата десна страна се наоѓа новата анкета која ќе трае до среда. Каков мислите дека ќе биде резултатскиот исход од натпреварот Албанија - Македонија? Ако верувате дека пријателските натпревари како овој се важни само за воигрување на тимот и тактичка подготовка, слободно изјаснете се дека резултатот не ви е важен.

Tags: football, Macedonia, анкета, ФФМ, фудбал, Македонија, poll.

Штафета

2007-01-29T21:12:00.000+01:00

Можеби стана досадна оваа „штафета“ по блоговиве, но Горјан ме прозва па да не го кршам редот. 5 работи кои не сте ги знаеле за мене:

1. Кога почнав да гледам фудбал, омилен фудбалер ми беше Теди Шерингам, но од 1996 (тогаш сум имал 10 години) навивам за Јувентус и омилен фудбалер ми е Алесандро Дел Пјеро.

2. Обожавам trance музика иако според изгледот, однесувањето, облекувањето, начинот на живот и општата појава не соодветствувам на default описот на еден „трансер“.

3. Цел живот не сум имал врска со девојка која траела подолго од 3-4 недели, а сега сум во 3-ипол годишна врска, среќно заљубен.

4. Почнав да пушам цигари откако завршив средно. Мајка ми ме фати со цигара уште вториот ден (не се ни криев нешто посебно) и откако дома им кажав: „Пушам од вчера“, нормално дека не ми поверуваа. И денеска мислат дека пушам од многу поодамна иако не сум ни мириснал цигара пред тоа.

5. Кога го отворив блогот во 2005 (21-ви блог на Македонски јазик според Хронологијата), го сторив тоа без никаква сериозна намера нешто да напишам. Едноставно сакав да видам што всушност е Blogger и како изгледа да отвориш свој „веб сајт“. Од тогаш, блогот ми го промени животот.

На ова смешно оро ги повикувам: Енко и Шепард, Ултрас, Барса, Џамбо и Тод.

Пошироко за промените

2007-01-27T16:25:00.000+01:00

Што точно ќе значи доаѓањето на Мишел Платини на претседателската функција во УЕФА? Според ветувањата на новиот претседател, многу работи би требало да се променат, но прашањето е кога ќе се случат промените и како тие ќе влијаат на фудбалските текови во Европа?

Таткото на сегашниот формат на натпреварување во ЛШ
и идеологот на идните промени (Јохансон и Платини)

Реформи во Лигата на шампионите
Платини планира да го ограничи бројот на учесници од секоја земја на само 3 тимови. Ваквото ограничување ќе значи 1 местo повеќе за земјите кои сега имаат 2 претставника. Иако Платини вели дека со ова се протежираат фудбалски неразвиените земји, нема да има апсолутно никаков ефект за тимовите од Македонија (и земјите слични на нашата). Со ваква реформа, само ќе се разниша финансиската стабилност на сегашниот формат на натпреварување и крајната цел нема да биде остварена. Единствената позитивна работа ќе биде заострување на конкуренцијата во националните првенства (каде тимовите ќе се борат за првите 3, а не првите 4 позиции) и зајакнување на Купот на УЕФА со повеќе силни тимови.

Ќе го претстави неговиот план за реформи во април - Мишел Платини

За Македонија, ваквите промени ќе значат следново: при евентуален пласман на наш претставник во 3-тото квалификациско коло од ЛШ, ќе се исклучи можноста за противник да го добиеме 4-то пласираниот тим од Англија, Италија или Шпанија. Ништо повеќе. Од една страна, ќе ни се зголемат шансите за триумф во 3-тото коло и директен пласман во ЛШ, а од друга страна ќе се намали шансата за поголема финансиска заработка од евентуалното гостување на некој од тимовите од елитните првенства.

Платини ќе го претстави неговиот предлог за реформи кон средината на април, а евентуалната имплементација ќе се случи дури од сезоната 2009-2010 бидејќи спонзорските договори кои УЕФА ги има со компаниите за ЛШ траат до тогаш.

Македонија гласаше за Мишел Платини. Интересно би било доколку претседателот на ФФМ, Хари Хаџи-Ристески ги образложи причините поради кои гласал за Платини. Сега ви е јасно зашто Платини беше толку многу загрижен да ја донесе Златната копачка на Дарко Панчев во Македонија, иако легално не му припаѓа на нашиот легендарен фудбалер. Пред некое време истражував околу причините поради кои Панчев не ја добил Златната копачка и дојдов до информација дека наградата воопшто не се доделувала од сезоната 1990/91 до 1996/97 кога освен Панчев и останати фудбалери кои биле најдобри стрелци во тие сезони не ја добиле.

П.С.
Свежи линкови во Download.
П.С.2
Мал „јубилеј“ - се случија 1.000 посети на мојот блог во изминативе скоро 3 месеци откако го инсталирав бројачот. Со оглед на тоа дека се наоѓа на Blogger, за мене ова е солидна бројка. Имав вкупно 17 текстови што значи некаде околу 60-тина посети (читања) по текст. Посетителите останувале во просек по 4 минути, што значи дека не дошле само да ѕирнат, туку и да прочитаат нешто.

Tags: football, Macedonia, Platini, Pancev, UEFA, Golden Boot, фудбал, Македонија, UCL, Хаџи-Ристески, ФФМ, Панчев.

Промени!

2007-01-26T13:23:00.000+01:00

Зашто да не започнеме со една карикатура?

Се случи и тоа: по 17 години на чело на УЕФА, Ленарт Јохансон беше поразен на изборите кои завршија пред неколку минути. Нов претседател е Мишел Платини!

Ветуваше, а сега има 4 години за да ги исполни ветувањата
- Мишел Платини

На многумина од вас можеби не им е интересен овој „административен“ дел од фудбалот, но верувајте дека со изборот на Платини во годините кои доаѓаат потполно ќе се промени изгледот на денешниот фудбал. Подетална анализа на оваа тема ќе следува подоцна, а доволно за да ве заинтересира оваа анализа би требало да биде предизборното ветување на Платини дека ќе им скрати по едно место во Лигата на шампионите на Италија, Англија и Шпанија, ќе има повеќе простор за вистинските шампиони од земјите низ Европа...

Какви се вашите првични импресии?

П.С.
Додадов нови линкови во Download, ама некако слабо ми download-ирате :-)

Tags: football, Macedonia, Platini, Johansson, UEFA, download, фудбал, Македонија, UCL.

Да разбиеме монотонија...

2007-01-25T01:39:00.000+01:00

Додека трае напнатата состојба во мак-фудбалот, сакав да објавам пар работи на блогов за да разбиеме монотонија и да подобриме расположение.

Знам дека сте колекционери на клипови :)

Направив посебен дел од блогот со назив Download каде секој ден ќе биде додаван по еден линк за симнување на интересни фудбалски клипови. Ја поделив оваа секција на неколку категории, но како што ќе излегуваат клипови кои не припаѓаат во тие категории, ќе дополнувам. За почеток ви додадов линк за download на видеото од еден од најспектакуларните голови кои воопшто сум ги видел - Ривалдо со „ножички“ против Валенсија, гол што ја однесе Барса во Лигата на шампионите таа сезона. Исто така, додадов линк до тепачката помеѓу Карлос Диого и Луис Фабијано, можеби најинтересен fight во последниве неколку години.

Ќе видите дека системот на страницата со линкови е таков што и вие можете слободно да предложите и додадете линк, така ќе ја зголемуваме колекцијата.

На страна од тоа, денеска слатко се изнасмеав кога Букарски ми раскажа анегдота за Ѕинго што не сум ја знаел до сега. Ја пренесувам во целост:

„Ќе плачете вие Ѕинго да се врати“

Доаѓа делегација од ФИФА или УЕФА на состанок со Ѕинго. Нашиов претседател и вели на преведувачката: „Кажи им да дадат кеш!“. Преведувачката се врти кон гостите и почнува да им објаснува: „На нас ни требаат финансиски средства за да можеме да работиме за развојот на фудбалот во Македонија бла бла бла...“, а на ова гостите од странство си коментираат: „Колку чуден јазик е овој Македонскиов. Толку малку зборови се кажуваат, а толку нешта значат“

:-)

Tags: football, Macedonia, download, Rivaldo, FIFA, UEFA, Ѕинго, фудбал, Македонија.

Анкета

2007-01-22T02:46:00.000+01:00

Пред да почнам со мојата детална анализа за состојбите во ФФМ, на блогот поставив анкета на која би сакал да гласате.

Прашањето е тековно: Дали го поддржувате сегашното раководство на ФФМ? На страната со резултатите од анкетата може да се оставаат коментари, но препорачувам вашите коментари да ги оставате под овој текст...

Што мисли народот?

Јас лично чувствувам многу негативна атмосфера во однос на сегашните први луѓе Хари Хаџи-Ристески и Лазар Митровски. Мислам дека таква атмосфера се создаде по избивањето на скандалите. Единствено нешто што им носи какви-такви позитивни поени е ангажманот на Среќко Катанец...

Се надевам дека на анкетата ќе се соберат доволен број на гласови во следниве неколку дена за да можеме да ја сметаме за релевантна.

Tags: football, Macedonia, анкета, ФФМ, фудбал, Македонија, poll.

Фудбалски скандал!

2007-01-20T19:24:00.000+01:00

Не сакав да пишувам веднаш по обелоденувањето на скандалов бидејќи сакав да избегнам избрзана или емотивна реакција од моја страна.

ФФМ се тресе! Тоа е факт. Целиот скандал според мене има 3 страни. Ќе одиме со ред.

1. Криминалот и неправилностите во фудбалските клубови: со детална инспекција на државните органи, конечно за првпат во нашата историја официјално се откри криминалното раководење со фудбалските клубови во Македонија. Освен 2 клуба: Македонија ЃП и Работнички Кометал (за чија професионална работа сум пишувал и порано), сите останати функционираат катастрофално. Неисплатени плати и придонеси, неправилни регистрации на фудбалери, аматерски договори...
Кога сето ова веќе е на виделина, мора да се делува брзо и ефикасно. Сите луѓе кои ги прекршиле законите за работа мора кривично да одговараат и без никакви исклучоци да добијат забрана за раководење со фудбалски клубови! Друго решение не постои! Според мене, се освен реконструкција од корен на фудбалската лига би било само „мачкање очи“ и „забошотување“ на проблемот.

Криминалец?
Лазар Митровски тврди дека се е чисто

2. Криминалот и неправилностите во ФФМ: фалсификувани дипломи, работење спротивно на статутот и законите и што уште не. Време е полицијата заедно со сите органи кои се надлежни да ја исчистат федерацијата! Очигледно е дека доколку не се спроведе ваква акција во ФФМ, ова ќе продолжи во недоглед. Убеден сум дека и тука мора да се искористи истата казна: секој што правел криминал или на било кој начин бил вмешан (знаел за криминалот и неправилностите, а тоа не го пријавувал) да добие доживотна забрана за вршење на функција во фудбалот!

„Си одам заедно со Хари и Лазе“ - непринципиелна
изјава на Катанец

3. Изјавата на Среќко Катанец дека ќе си замине од Македонија доколку раководството на ФФМ биде разрешено. Многу непринципиелно од негова страна. Договорот кој го има е склучен со федерацијата, а не со човек. Според мене, можните причини за ваквата изјава на Катанец се следни: 1. некој му се јавил и го замолил да даде ваква изјава за да се намали притисокот врз ФФМ; 2. селекторот бара начин како побрзо да замине од Македонија, а овој скандал е совршена прилика за тоа; 3. поврзан е со Хари и Лазе на начин на кој не смее или не може да биде поврзан со некој друг.

Случувањата се во тек. Во следниве неколку дена ќе ги образложам моите размислувања околу секоја од горните 3 точки и ќе напишам посебни текстови. „Од прва рака“ ги следам сите случувања и верувајте дека на овој блог ќе прочитате доста интересни и досега необјавени информации.

П.С.
Вечерва (сабота) некаде пред полноќ во емисијата Лејт Најт Шоу на Миленко Неделковски ќе се зборува за скандалот во ФФМ. На сите ви препорачувам да ја гледате. Немам позитивно мислење за авторот на оваа емисија и неговата „работа“ поврзана со фудбалот, но сметам дека тој е единствениот кој има огромно познавање на приликите во мак-фудбалот и не се плаши јавно да зборува за тоа...

Tags: football, Macedonia, scandal, FFM, Lаzar Mitrovski, ФФМ, фудбал, Македонија, Лазар Митровски, Катанец, Katanec.

Нов додаток на блог

2007-01-14T13:48:00.000+01:00

Утринава блогов доби еден нов дел кој мислам дека на сите вас ќе ви биде (повеќе или помалку) интересен. Се работи за делот Распоред и резултати до кој можете да пристапите преку горното мени.

Во овој дел од блогот ќе ги најдете распоредот, резултатите и табелите поврзани со домашното првенство и репрезентацијата на Македонија. Податоците ќе бидат благовремено ажурирани. Интересна работа за сите може да биде „водичот за натпревари“ во кој препорачувам по еден натпревар од домашното првенство во секое коло за кој ќе имате комплетни информации како да го посетите, каде се наоѓа стадионот, колку ќе ве чини билет, каде да најдете паркинг место и сл.

Се надевам дека често ќе го посетувате овој дел од блогот со намера да посетите некој од фудбалските натпревари бидејќи на мак-фудбалот му треба публика на стадионите, а вас (фудбалските фанови) нема да ве чини многу да одвоите 2 часа од вашето слободно време за да гледате фудбалски натпревар.

Да не должам, Македонското првенство и посетеноста на стадионите е долга и опширна тема на која ќе пишувам понатаму, ѕирнете што има во делот Распоред и резултати и можете да ме дополните со некоја информација, да ме советувате како да го подобрам или едноставно да коментирате за одиграните и натпреварите кои ќе се одиграат во коментарите од тој дел.

П.С.
Сликите се позајмени од сајтот на ФФМ, тоа додека не издизајнирам свое лого за Првата лига и репрезентацијата :-)

Tags: football, Macedonia, results, schedule, распоред, резултати, прва лига, репрезентација, табела, фудбал, Македонија.

Фудбалот во 2006 (2)

2007-01-12T17:29:00.000+01:00

Во една година на Светско првенство, јасно е дека ова натпреварување беше во центарот на вниманието. Не би сакал да правам некоја долга анализа, бидејќи го правев тоа пред, за време и по завршување на СП во Германија. Во една реченица: Италија имаше репрезентација составени од фудбалери кои во моментов се наоѓаат во врвот на своите кариери, имаше среќа кога беше потребно (пр. против Австралија), храброст (4-цата напаѓачи против Германија во продолженијата), нерви (пеналите против Франција) - со еден збор квалитет.

Фудбалерите на Барселона со пехарот од Лигата на шампионите

За мене, еден тим остави свој белег на 2006 година: Барселона. Барса ја освои двојната круна (дома и во Лигата на шампионите) што претставуваше крунисување на прекрасната игра на овој тим во изминатите 2 години. Она што Франк Рајкард го направи со тимот, имајќи во предвид во каква состојба беше Барселона кога тој дојде на чело, е неверојатно. Го состави можеби најкомпактниот состав на фудбалери во Европа во последниве 10-тина години. Ме воодушеви леснотијата со која фудбалерите на Барса ја наметнуваа својата игра на секој натпревар.

Дали мафијашката мрежа во Серија А е тотално уништена?

Друга димензија на фудбалот во 2006 беше скандалот „Калчополи“ во Серија А. Се разоткри голема „шема“ на клубови, судии, официјални лица па дури и фудбалери кои го „режирале“ фудбалот во Италија изминативе години. Сепак, јас лично не сум задоволен од разврската на целиот скандал и се сомневам дека фудбалот во Италија е исчистен од сите криминални структури. Казните за клубовите и поединците беа премногу благи, а со намалувањата станаа уште понезначајни. Јувентус беше единствениот клуб кој беше казнет драконски, додека клубови како Милан и Лацио кои по втор пат во својата понова историја се вмешани во ваков скандал добија само „симболични“ казни. Само да потсетам, тоа се двата клуба кои на средината на 80-тите беа деградирани во Серија Б поради местење на натпревари.

Погледнете го човеков и потоа кажете дека
Хари, Лазе, Брацо, Боро или Ацуле
се фудбалски мафијаши!

Освен клубовите, благи се казните и кон индивидуалците. За чудо, Лучијано Моџи не доби доживотна забрана за работа во фудбалот! Не знам како е можно тој човек да има можност по неколку години повторно да биде на раководна функција! Освен него, смешни се казните кои ги добија неговите „компањони“ како Галијани, Дела Вале, Лотито и компанија, како и официјалните лица во Фудбалската Асоцијација на Италија. Како и да е, сето ова помина, а само времето ќе покаже дали во иднина ќе гледаме „чист“ фудбал во Италија.

2006 беше година на Барселона, Челзи, Арсенал, репрезентациите на Франција, Германија и Италија, Севиља, Роналдињо, Канаваро, Зидан, Анри...

Можеме да бидеме презадоволни од тоа како заврши 2006. Во Англија, Шпанија и Германија имаме неверојатно неизвесна трка за врвот, за разлика од ова време минатата година кога во секое од големите првенства еден клуб беше далеку пред другите. Ветувачка е и ждрепката за 1/8-финалето од Лигата на шампионите, а извонредно возбудливи се и квалификациите за Еуро 2008.

Tags: football, Maceodnia, WC2006, UCL, UEFA, Barcelona, Juventus, Italy, Spain, Calciopoli, Moggi, Milan, Lazio, фудбал, Македонија.

Фудбалот во 2006 (1)

2007-01-11T13:21:00.000+01:00

Како што најавив (со мало задоцнување), доаѓа и мојата ретроспектива на минатата 2006 година во фудбалот. Во првиот дел ќе се осврнам на домашниот фудбал.

Репрезентацијата пред натпреварот против Русија

Репрезентацијата на Македонија дефинитивно е она што најмногу ќе го паметам од изминатата година. Фактичката состојба вели дека по 5 натпревари во нашата квалификациска група, се уште имаме реални шанси за висок пласман, а годината ја завршивме со најдобар пласман за нас во историјата на ранг-листата на ФИФА. Ме радува фактот што за првпат по многу години публиката и фановите имаат доверба во националниот тим. Првпат во историјата се скандираше името на селекторот на Градски во Скопје, а во посебно сеќавање ќе ми остане моето патување во Манчестер каде на Олд Трафорд одигравме одличен натпревар против Англија кој долго ќе се памети.
ИН во 2006 -> Среќко Катанец, Горан Пандев, нерешениот резултат против Англија, најдобриот пласман на ранг-листата на ФИФА.
АУТ во 2006 -> ФФМ со високата цена на билетите за натпреварите на репрезентацијата, продавањето на цела северна трибина на фановите од Англија.
Неправда во 2006 -> Несреќниот пораз од Англија во Скопје.

Македонија ЃП - освојувач на Купот на Македонија

Факт е дека Македонската Прва фудбалска лига донесе поголем квалитет од претходните години. Освен Работнички Кометал, на сцената имаме втор клуб кој функционира беспрекорно: Македонија ЃП. Трката за титулата до последните кола и крајот на првата полусезона оваа година со изедначен број на бодови на Македонија и Работнички ветуваат максимално интересен фудбал до крајот на оваа сезона. Финалето од Купот на Македонија беше меѓу најквалитетните натпревари кои било кога се одиграле на Градски, а во Евро-натпреварувањата, Работнички го повтори најголемиот успех во нашата историја - 3-то квалификациско коло во ЛШ.
ИН во 2006 -> Трофеите завршија во раце на клубовите кои работат најпрофесионално и можеби ова ќе биде мотив и за другите да се „оправат“ во иднина.
АУТ во 2006 -> Слабата посетеност на стадионите иако во домашното првенство минатава година имаше многу натпревари кои вредеа да се погледнат. Сите оние кои декларативно се залагаат за подобар мак-фудбал треба од себе да почнат да го направат теренот погоден за поквалитетно првенство и да жртвуваат 2 часа неделно од своето време на некој од стадионите. Со билетот кој ќе го платите ќе му помогнете на својот клуб.
Неправда во 2006 -> Она кое им се случуваше на фудбалерите на Вардар кои имаат статус како вработени во стечајно претпријатие, а не како фудбелери на најтрофејниот клуб во една земја.

Tags: football, Macedonia, фудбал, Македонија, euro2008, Katanec, Катанец, Rabotnicki, Vardar, Makedonija, FFM.

Свеж почеток

2007-01-05T04:03:00.000+01:00

На стартот на 2007, решив малку да го променам изгледот на блогот, се надевам ви се допаѓа новиот дизајн. На сите ви посакувам многу среќа, успех и љубов во 2007!

Освен мојот нов дизајн, новина во нашиот блог-простор е блог-тајмлајнот кој го направи Развигор за кој можете да ги дадете своите забелешки, дискутирате и да го пријавите и вашиот блог да биде регистриран во оваа наша „блог-историја“.

Моето прво изненадување за сите во новата 2007 е интервјуто кое го направив со селекторот Среќко Катанец, а кое е објавено во јануарскиот број на магазинот Club Football. Ова е прво и досега единствено интервју на селекторот во кое тој ја дава својата оценка за 2006, очекувањата во 2007, зборува за мотивите поради кои дојде во Македонија, за тактиката, фудбалерите, нашите шанси за пласман на ЕП, нашиот потенцијал, случајот „Горан Славковски“, а одговара и на критиките на некои наши „фудбалски експерти“ по натпреварот со Русија.

Освен тоа, ве упатувам на сајтот на Fantasy Football Premier League - проект со кој се занимавав доста во последно време. За првпат во Македонија се организира ваква игра (ако се земе во предвид дека Калчо Селектор во Македонски Спорт пред неколку години беше за Серија А) и топло ви препорачувам да играте. За играта пишаа и на Он.нет.

Викендов планирам да се вратам „во форма“ со неколку текстови, пред се review за се што се случуваше во 2006-та како и мал осврт на тоа што не чека во 2007-ма година.

Среќни празници!

Tags: football, Macedonia, Фудбал, Македонија, Катанец, ClubFootball, Katanec.

Канаваро заслужи... или не?

2006-12-09T04:17:00.000+01:00

Иако можеби не е нешто најактуелно, чувствувам потреба да реагирам на Златната топка која му беше доделена на Фабио Канаваро (кој патем се наоѓа на насловната страница на новиот број ClubFootball).

Кога Џон Кару го „искриви“ Канаваро на последниот натпревар меѓу Реал и Лион и постигна гол, ретки беа тие што во Канаваро гледаа нов носител на најпрестижната награда која еден фудбалер може да ја добие. Имаше многу реакции во медиумите, а и по блоговиве околу тоа колку Канаваро ја заслужи наградата. Кои се аргументите за и против и која е причината поради која Канаваро го доби признанието?

Сетете се на играта на Канаваро на изминатото СП. Факт е дека му беше нанесена неправда од проста причина што никој од новинарите кои гласале пред крајот на финалниот натпревар не можеше да претпостави дека Зинедин Зидан ќе го направи најконтраверзниот (и најглупавиот) потег во својата кариера. Италија го освои Светското првенство, а Канаваро беше капитен и лидер на победничкиот тим.

Факт е дека со тие игри Канаваро ја заслужи оваа награда и не треба да биде чудно што ја добива најдобриот фудбалер на СП. Дискутабилен е неговиот успех пред и по Светското првенство. Со Јувентус освои титула која административно (би рекол неправедно, но тоа е веќе друга тема) му беше одземена, а во Реал Мадрид не прикажува некоја сјајна игра.

Главната причина лежи во новинарската политика и најверојатно меѓусебен договор и чувство на одговорност на Канаваро да му се надомести што наградата за најдобар на СП не замина во негови раце. Истите тие новинари беа оние кои ја направија грешката избрзувајќи со гласањето за Зинедин Зидан пред крајот на финалето и сега решија да ја исправат својата грешка.

Според мене, ова е неправилен и непрофесионален потег. Се компромитираше реномето на најпрестижната награда без никаква потреба. Канаваро беше капитен и го освои Светското првенство со Италија, а неговите игри ќе ги паметиме сите без разлика што не беше прогласен за најдобар фудбалер. Како и да е, се надевам дека спортските новинари ќе извлечат позитивна поука од целата ситуација и во иднина наградата ќе продолжи да се доделува на реално најдобрите фудбалери во текот на целата година.

Tags: football, Macedonia, Фудбал, Македонија, Cannavaro, Zidane, награда.

Фудбал...

2006-12-08T03:00:00.000+01:00

Природата на работното место ми е таква што сум приморан во одредени периоди (последните и првите денови секој месец) да правам пауза од блогирање, но еве ме пак.

На фудбалската сцена се случија многу работи и во следниве неколку дена ќе се обидам да покријам дел од настаните за кои имам мислење кое сакам да го поделам со вас и сакам да го слушнам и вашиот став (Канаваро и Златната топка, ситуацијата во Вардар again и уште пар работи од Европа).

Најпрво за репрезентацијата. Се очекува закажување на пријателски натпревар. Во игра е Брегот на Слоновата Коска (БСК) што за мене е тотално неприфатлива опција. Во моментов ни треба пријателски натпревар на гостински терен пред полн стадион и притисок од публиката. Тоа би била идеалната подготовка на нашата репрезентација во пресрет на дуелот со Хрватска во Загреб. Би било уште подобро кога би се закажал натпревар против репрезентација со слични квалитети и стил на игра како нашиот следен противник, но не може се да биде совршено. До некаде ми се допаѓа и идејата за учество на турнирот на Кипар... Верувам дека ако Катанец го има последниот збор ќе биде направена правилна одлука.

Домашното првенство е пред крај на есенската полусезона. Како што се очекуваше Работнички, Македонија ЃП и Вардар влегуваат како фаворити во пролетниот дел од сезоната. Работнички осцилираше со резултатите на стартот на првенството најмногу поради настапите во Европа и сега се стабилизираше. На Македонија ЃП и недостига константноста која ја загубија по поразот од Работнички и добро ќе им дојде малку работа на физичката кондиција во пресрет на пролетта додека Вардар е посебна приказна и мислам дека се уште е во трка за титулата само поради поволниот распоред на натпревари во последните неколку кола.

Tags: football, Macedonia, Фудбал, Македонија, Катанец, репрезентација, Katanec.

Георге Хаџи

2006-11-26T13:58:00.000+01:00

Оние кои ја пропуштија оваа интересна сторија, еве линк до оригиналот: One of the World's Greatest a Macedonian! како и линк до преведената сторија во Мак. Спорт: Хаџи - еден од најголемите Македонци!

Јас (а верувам и голем дел од вас) знам за ова уште од поодамна. Ми дојдоа некои идеи за Хаџи како можен наследник на Среќко Катанец како наш селектор. Иако е рано да се размислува за тоа, сепак од денешна перспектива ми личи на лоша идеја поради фактот што Хаџи сега за сега има катастрофална кариера како тренер. Беше селектор на Романија и откако не успеа да се квалификува за СП доби отказ. Потоа замина во Бурсаспор (Турција) од каде беше избркан за само неколку месеци поради лошиот старт на сезоната. Една цела сезона беше тренер на Галатасарај и успеа да го освои Купот на Турција, но беше избркан и од таму бидејќи Галатасарај е тим со шампионски, а не куп-амбиции. Се врати во Романија да биде тренер на Политехника Тимисоара и од таму доби отказ по само 4 месеци. Хаџи беше голем фудбалер, но е катастрофа од тренер. Со оглед на сегашните достигнувања, да се надеваме дека Катанец ќе остане со нас што подолго.

Пораз

2006-11-16T16:41:00.000+01:00

Тоа ни се случи вчера на Градски. Нема разочарување! Можеби многумина сметаат дека тука е крајот на “медениот месец“ на Среќко Катанец и следува враќање во реалноста, но не смее да има разочарување по поразот од Русија.

Загубивме од тим кој објективно беше посилен од нашиот. Не смееме да се лажеме себеси и да бараме поголем дел од причините за поразот во нашите редови. Русите се индивидуално подобри фудбалери, подобро функционираа како целина и беа физички супериорни. Ако на тоа се додаде одличната тактичка поставеност и многуте индивидуални грешки кај нашите репрезентативци, јасно е дека поразот е реален исход. Вчера на Градски во ниту еден момент не игравме за да заслужиме барем бод. Пораз од 2:0 е реална слика за она што се случуваше на теренот.

Каде да ги бараме причините за поразот? Во нападот недостигаше Илчо Наумоски а со тоа и агресивноста. Зад напаѓачите недостигаше Горан Пандев а со тоа и креативност и фудбалер кој ќе знае да ја задржи топката во своите нозе. Агресивната и физичката игра на Русија дополнително придонесе за многу грешки на нашите репрезентативци. Тактиката која ја постави Среќко Катанец на вроди со плод . Тоа е тоа во кратки црти. Кога ќе ја прегледам снимката од натпреварот ќе се обидам да направам подлабока анализа.

Фудбалерите:
Николовски - Освен еден “кикс“ кога ја загуби топката во својот шеснаесетник, не беше виновник за ниту еден од головите. Со пресинг играта на Русија беше приморан да ја “рога“ топката далеку од својот шеснаесетник наместо акциите да ги започнеме со нашите одбранбени фудбалери.
Седлоски, Митрески, Новески - Само капитенот беше на висина на задачата. Игор Митрески извиси при 2-та гола на Русија: асистираше со глава на првиот и дозволи Аршавин да му избега за вториот гол. Новески беше крајно несигурен со топката и во додавањата и неколку пати ја загуби топката пред нашиот шеснаесетник.
Петров и Лазаревски - “Немаа бензин“ за 90 минути. Иако се можеби најдобро физички подготвени, не можеа да ја издржат борбата со крилните фудбалери и офанзивните странични бекови на Русија. Кога беа во можност да упатат центар-шут во шеснаесетникот на гостите, го правеа тоа многу лошо.
Шумоликоски и А. Митрески - Обидувајќи се да го неутрализираат средниот ред на Русија не можеа да помогнат во организацијата на играта. Контролата на средината на теренот ја загубија уште по 10-тата минута и оттогаш играа строго дефанзивно и само на моменти воспоставуваа контрола во средината. Јанчевски влезе во игра, но се повреди а Гроздановски во краткиот период додека беше на теренот покажа дека неговата физичка подготвеност е на многу повисоко ниво од последниот негов настап во репрезентацијата, но не играше на својата природна позиција и не можеше многу да придонесе.
Шаќири и Тасевски - Оние кои требаше да го заменат Пандев во нашата тактика не успеаја во тоа. Шаќири не се “состави“ со топката во 30-те минути додека беше во игра и Катанец со право го замени. По се изгледа Артим не може да игра на таа плејмејкерска позиција и неговото место е на лево крило каде може да упатува прецизни нафрлени топки. Тасевски има потенцијал но неискуството го чинеше - ја држеше топката во нозете и пробуваше да дрибла кога требаше да додаде и обратно. Му требаат уште многу натпревари во нозете за да го развие својот талент.
Мазнов и Стојков -Тотално отсечени во нападот. Стојков на моменти потсетуваше на својата брзина, но недоволната физичка подготвеност беше причината што го снема во второто полувреме. Мазнов направи шанса од неколкуте добри топки кои ги доби во шеснаесетникот но не успеа да реализира. Тој е напаѓач на кој му треба добра поддршка со точни додавања за да може да постигне гол а таква поддршка вчера немаше.

Среќко Катанец - Се реши да не ја менува тактиката која ни донесе резултати и погреши. Погреши во проценката дека Шаќири и Стојков можат да ги заменат Пандев и Наумоски. Останува впечатокот дека голем дел од вината сноси и самиот тој бидејќи мораше да направи тим со погуста средина за да може да им парира на Русите.

Ќе го завршам овој текст со изјавата на Катанец по натпреварот: “Имаме уште 7 натпревари и 21 бод за освојување. Ќе одиме на победа на секој натпревар“. Не е крај на светот. Можевме и моравме да и парираме подобро на Русија но тоа е тоа. Продолжуваме понатаму. Освен вчерашниот натпревар и оној против Бугарија, на сите останати под водство на Катанец покажавме дека знаеме да играме фудбал и против посилни и против послаби противници.

Сите на стадион!

2006-11-15T13:23:00.000+01:00

Македонија ја пречекува Русија во најважниот фудбалски натпревар во историјата на нашата репрезентација. Победа ќе значи прво место во нашата квалификациска група по 5 одиграни натпревари и по тоа се е можно: на дофат ќе ни биде квалификување на Европското првенство во Австрија и Швајцарија.

Упатувам јавен повик да “скрпите“ пари (600, 300 или 100 денари) и да купите билет на плоштад. Знам дека цената на билетите е огромна за нашиот стандард, но да бидеме реални - истите пари ќе ги потрошите викендов за забава во некое кафуле или дискотека. Жртвувајте неколку монотони излегувања во град и дајте и ја поддршката на нашата репрезентација кога најмногу и треба.

Баравте резултати? Резултати има! Баравте добра игра? Имаме добра игра! Сакате да бидете дел од историјата? Дојдете на Градски во 17:00 часот и помогнете и на репрезентацијата да ја пишува историјата!

Напред Македонија!

Сликите од Манчестер

2006-11-09T03:01:00.000+01:00

Конечно најдов време да качам на нет дел од сликите од моето патување во Манчестер за натпреварот Англија - Македонија. Подолу можете да ги гледате како слајд-шоу, но бидете трпеливи додека load-ираат сите слики.

Flash Slideshow

Објавен тимот

2006-11-08T12:29:00.000+01:00

Селекторот Катанец го објави списокот на фудбалери кои ќе бидат во конкуренција за натпреварот против Русија. Она што е новост е враќањето на Влатко Гроздановски во репрезентацијата.

Список на фудбалери за натпреварот против Русија:

Голмани:
Николоски Јане 12.12.1973 Славен Белупо-Хрватска
Пачовски Томе 28.06.1982 Работнички К.-Македонија
Одбрана
Седлоски Гоце 10.04.1974 Матерсбург-Австрија
Митрески Игор 19.02.1979 Енерџи котбус-Германија
Новевски Николче 26.04.1978 Мајнц-Германија
Васоски Александар 21.11.1979 Ајнтрахт-Германија
Петров Роберт 02.06.1978 ЦСК Софија-Бугарија
Лазаревски Владе 09.06.1983 Гроцлин-Полска
Попов Роберт 16.04.1982 Литекс Бугарија
Среден Ред
Јанчевски Игор 16.09.1974 Енозис Неон-Кипар
Шумуликоски Величе 24.04.1981 Бурсаспор- Турција
Тасевски Дарко 20.05.1984 Металург.Запорожје- Украина
Шакири Артим 23.09.1973 Интер Турку- Финска
Митрески Александар 05.08.1980 Келн- Германија
Влатко Гроздановски 30.01. 1983 Омониа- Кипар
Напад
Стојков Ацо 29.04.1983 Партизан-Србија
Мазнов Горан 22.04.1981 Локерен-Белгиум
Ристиќ Стевица 23.05 1982 Силекс-Македонија

Она што е добра вест за нас е повредата на Игнашевич од ЦСКА Москва. Сакам да се надоврзам и на претходниот текст кој се однесуваше за нашите можни тактички варијанти против Русија. Со враќањето на Гроздановски во репрезентацијата се отвара можноста да се игра класична 4-4-2 со крилни фудбалери. Во една ваква варијанта, Гроздановски би одел лево, Шаќири десно, централни фудбалери во средниот ред би биле Величе и А. Митрески. Но, ќе мораат да се прават промени и во одбраната. Ако се игра со класични крилни фудбалери на клупа би требало да се преселат Петров и Лазаревски а на нивно место покрај Новевски, Седлоски и Митрески ќе влета Васоски со што би играле со 4-ца во линија.

Мене лично не ми се допаѓа оваа варијанта, но се е можно. Се ќе зависи од Среќко Катанец.

За химната

ФФМ објави дека и на овој квалификациски натпревар химната на Македонија ќе биде отпеана во живо. Покрај високата цена на билетите (600 ден.) тоа е втората работа која ме иритира. Каролина Гочева не знае да ја пее химната онака како што треба. Не е исто кога солист пее без музика и кога се пушта само инструменталната верзија па целиот стадион пее како еден хор. Вратете ни ја химната да ја пееме ние фановите!

Кој да го замени Пандев?

2006-11-03T09:27:00.000+01:00

За неколку дена следува можеби најважниот натпревар во историјата на нашата фудбалска репрезентација. Ова е мое мислење и мислам дека ќе се сложите дека натпреварот против Русија го заслужува епитетот “најважен“ од проста причина што за прв пат во нашата фудбалска историја се бориме за резултат кој на скоро половина од квалификациите ќе не однесе на врвот на квалификациката група.

Она што нам не засега е каков тим Катанец ќе изнесе на теренот? За прв пат по подолго време ќе го немаме Горан Пандев (и Илчо Наумоски), но ако се сеќавате, првите победи на Катанец против Турција и Еквадор ги остваривме без Пандев во составот. Што сега? Прашањето е дали да се бара замена за неговата конкретна позиција во нашата репрезентација или да се крои нова тактика?

Тасевски?

Дарко Тасевски е решението кое се наметнува само по себе бидејќи секогаш кога Пандев излегуваше од игра на последните неколку натпревари, Тасевски беше неговата замена. Жал ми е што немам конкретни информации на каква позиција точно игра Тасевски во неговиот клуб во Украина. Ако ме прашувате мене, мислам дека е крајно ризичен потег Катанец да се реши да му ја додели улогата на Пандев на младиот и неискусен Тасевски. Не ги оспорувам квалитетите на Дарко, во многу погледи е и подобар од Пандев (пред се техниката и балансот кога е со топка) но со само 10 натпревари во националниот дрес, тој го нема искуството и пред се лидерските квалитети на Пандев. Ако ја превземе неговата улога, секоја акција ќе мора да оди преку него, ќе мора да се носи со повеќе дефанзивци пред шеснаесетникот на противниците, ќе мора дополнително да се уфрла во нападот - не сум сигурен дека Тасевски ќе може да одговори на сите овие обврски.

Кој друг?

Никој! Едноставно немаме фудбалер кој би можел да го игра она што Пандев го игра во нашата репрезентација. Ако Катанец не се реши за задржување на формацијата со Тасевски како замена за Пандев, тогаш ќе мора да се крои сосем нова тактика за Русите. Која ќе биде таа? Какви се вашите мислења? Цела држава сме селектори кога станува збор за националниот тим, па ме интересираше какво е расположението.

Уште се мисли како против Русите или веќе знае?

Дарко Тасевски наместо Горан Пандев или комплетна промена на тактиката?

Против TribalFootball

2006-11-01T01:45:00.000+01:00

Oвој портал го открив пред неколку години и бидејќи гледам дека многу луѓе и во последно време медиуми се повикуваат на информациите објавени тука, се решив да ви ги разјаснам работите.

TribalFootball.com е најшпекулантскиот фудбалски веб-портал што некогаш постоел. Едноставно, 99% од се што се објавува е чиста шпекулација и невистина. Многу пати од љубопитност сум споредувал пренесени изјави на фудбалери и тренери и авторите на порталот паѓаат дури на тоа ниво што ги извртуваат зборовите и самите изјави само за да направат атрактивна сторија.

“Најинтересно“ е во преодните трансфер-рокови. Е тогаш може да се прочита се и сешто. Мислев дека е невозможно да се оди до едно такво ниво но пред повеќе од една година авторите на порталот ме деманираа и обзнанија: “Диего Армандо Марадона се враќа на фудбалот“ - замислете каква несериозна сторија. Една извртена изјава на Марадона и луѓето објавија дека човекот во години ќе почнел да тренира со Бока Јуниорс и да се бори за место во првиот тим!!!

Неверојатно! Трагично е што многу наши медиуми го користат овој портал (свесно или несвесно) како “релевантен“ извор на информации. Последната беше наводниот трансфер на Игор Митрески во Манчестер Јунајтед! Уште кога го здогледав насловот во нашиот весник веднаш почувствував дека се работи за инфо од TribalFootball и не погрешив:

“Ексклузивната“ информација (шпекулација) објавена на TribalFootball

Јас (а верувам и вие) и тоа како би сакал нашиот репрезентативец да се пресели во Манчестер, но откако видов каде е објавена информацијата не можам да поверувам дека такво нешто ќе се оствари.

Kat's the way to do it!

2006-10-29T15:15:00.000+01:00

How a Slovenian coach has turned Macedonia's also-rans into genuine contenders for Euro 2008.

The Macedonian national team has produced very little over the years to make the country's football fans proud . Less than a year ago we were down to 96th on the official FIFA ranking list. The team has changed managers three times in two years and aside from draws with the Netherlands and England, has a very poor qualifying record in major tournaments.

Earlier this year, Srecko Katanec was appointed national team manager. And the former Slovenian player and coach has proved that only a lack of domestic coaching talent has kept Macedonia from performing well.

In less then a year, we have beaten Ecuador and Turkey in pre-World Cup friendlies and have collected seven points from our first four Euro 2008 qualifiers. Katanec has kept the same players but implemented a new on-field and training strategy that has improved results.

Away victories in Estonia and Andorra and a draw at Old Trafford represent an impressive away record. Our next game is at home to Russia - and if we win, we will be top of our group ahead of Croatia, England, Israel and Russia.

Katanec performed miracles in helping Slovenia to qualify for Euro 2000 and the 2002 World Cup. Now the whole Macedonian nation is hoping for a miracle against Russia on November 15.

-

Ова е мојот прв текст на Sportingo - сајт кој заеднички го прават луѓе од цел свет со своите вести, стории и мислења во врска со фудбалот во својата земја. Колку што знам јас сум единствениот од Македонија па доколку некој друг сака да придонесе упатете се на сајтот и поднесете пријава за да станете еден од авторите.

Директниот линк до сторијата е ТУКА<--клик! На самата страна можете да го оцените текстот од 1 до 5 и да оставите коментари.

-

Од левата страна кај линковите додадов линк од Livescore сервисот на Goal.com кој благодарение на колегата JumboMkd е преведен на Македонски и има посебен дел со резултати во живо од Македонската Прва Лига! Ова е најдобар начин за следење на резултатите од нашето првенство.

Fantasy Football

2006-10-27T02:36:00.000+02:00

Не знам колку од вас се запознаени со оваа игра. Судејќи според бројот на луѓе што ја играат верувам дека скоро сите знаете за што се работи. Станува збор за нешто слично на она што беше “Калчо селектор“ во Македонски Спорт пред неколку години...

Барем за фудбалските фанатици од Македонија, најпопуларна е Fantasy Premier League. Јас како вечен зависник од Championship Manager од оваа година се заразив и со фантази фудбал и морам да се пофалам дека добро ми оди во деби-сезоната. Според информациите што ги добив, минатата година од Македонија имало околу 700 луѓе што ја играле играва. Ја препорачувам играта на секој што сака фудбал...

На стартот имате одреден буџет со кој го правите тимот. Селектирате 15 фудбалери (2 голмани, 5 одбрана, 5 среден ред и 3 напад) од кои го подготвувате тимот пред секое коло. Секој фудбалер има своја цена која може да варира во текот на сезоната во зависност од неговите перформанси. Секое коло имате право на еден бесплатен трансфер а секој нареден трансфер ќе ве чини 4 бодови од оние бодови кои сте ги добиле во текот на натпреварувањето. Што се однесува до трансферите, еднаш имате право да искористите Transfer wild card - што значи да направите неограничен број на трансфери бесплатно.

Мојот тим од минатото коло:

Џејмс имаше многу интервенции, Фердинад даде гол а Манчестер не прими, Јобо има 6 поени бидејќи Евертон не прими гол, Бери даде гол за Астон Вила, Фабрегас имаше 2 асистенции и бонус а двајцата напаѓачи имаа по една асистенција. Еден фудбалер е капитен и тој носи двојно повеќе бодови, значи ако го изберев Фердинанд за капитен, ќе ми донесеше 24 бодови наместо 12.

Бодовите ги добивате во зависност од игрите на секој ваш фудбалер во реалноста. Фудбалерите се наградуваат за секој постигнат гол, асистенција или натпревар без примен гол. Бодувањето е посебно за секоја линија од тимот (голот на некој од одбраната вреди 6 а на напаѓачите само 4 поени а). Негативни бодови се добиваат за автоголови, жолти и црвени картони и сл. Постојат и бонус-бодови за најдобрите фудбалери на секој натпревар.

Авторот на блогов на 2-ро место во досегашниот генерален пласман во Македонија

Вклучете се и вие, нема да зажалите. Конкуренцијата е голема и веќе е невозможно да се најдете на врвот доколку не сте започнале со играње уште од првото коло. Сепак, забавно е и до крајот на оваа година ќе се “тренирате“ за следната сезона. На крај да се пофалам дека по 9 одиграни кола јас сум на 2-ро место во Македонија, зад еден мој добар другар кој ме навлече на играва а минатата година бил прв од сите во Македонија.

Моето патување во Манчестер 2 дел

2006-10-23T18:15:00.000+02:00

Во првиот текст за Манчестер пишав за работите надвор од самиот натпревар... Градот, стадионот, домашните навивачи и сл. Сега ќе се обидам во кратки црти да ви ја доловам сликата од самиот натпревар...од фудбалскиот дел од патувањето.

Нашите репрезентативци

Аце Митревски во авионот

Дечките се супер. Летавме сите заедно во ист авион и сите до еден беа расположени за дружење. Се гледа дека честите собири (особено 2-те недели во Охрид) доста ги зближиле. Што е најважно, сите беа пријатно расположени уште пред натпреварот: она расположение без оптеретување и притисок кое го најави Катанец. Главна занимација на сите им беше слушање музика или играње карти. Секој беше расположен за разговор со нас новинарите. Освен во авион, не успеавме да ги видиме никаде на друго место. Катанец ги држеше според строг распоред и за нив немаше шетање, шопинг и некое разгледување на градот. Главен беше тренингот, исхраната и одморот. По самиот натпревар сите беа во кревет веќе во 22:00 часот, не како пред некое време кога одигравме 2:2 со Холандија - во кафана до 5 наутро! На враќање пак од Манчестер кон Барселона (таму слета авионот за да се истоварат фудбалерите) се чувствуваше радост но во исто време и смиреност и фокусираност кон следниот натпревар. Сите потенцираа дека не смее да има опуштање и уште по првите неколку разговори бев убеден дека сигурно победуваме во Андора.

Нашите фанови

Заедничка фотографија со Македонци од Шведска

На неколку места (по блоговиве) прочитав критики за фановите кои допатуваа во Манчестер и веднаш морам да кажам дека такво навивање за нашата репрезентација немало никогаш на гостински терен и ретко на Градски во Скопје. Оние кои дојдоа беа главно иселеници од Шведска, Германија и Англија а имаше дури по двајца луѓе од Австралија и Канада што допатувале специјално за натпреварот! Оние од Шведска беа најбројни и беа сместени на десниот крај од трибината каде што се наоѓа главната камера за тв-пренос. Нивната група броеше околу 500 луѓе. На истата трибина имаше уште 2 помали групи од по 200-250 луѓе како и 50-тина луѓе од официјалната делегација во свечената ложа. Сите пееја во текот на сите 90 минути од натпреварот! Во најголем дел од средбата беа погласни од домашните навивачи и беше вистинска гордост да се слуша скандирање “Македонија!“ на Олд Трафорд. Овие нашинци од странство за жал немаа некој поширок репертоар на навивачки песни но, тоа не беше пречка за одлична поддршка во текот на целиот натпревар. Сите беа опремени со шалови, капчиња, маички и знамиња главно со нашето старо знаме (сонцето од Вергина) и поретко со новото знаме. Искрени честитки од мене до сите нив за поддршката што ја дадоа на нашата репрезентација. Во разговор со неколку фанови од Шведска дознав дека имало уште поголем интерес да се дојде на натпреварот во поголем број но, поради проблемите со ФФМ не успеале да обезбедат доволен број на билети. Билетите главно ги обезбедиле од ФА во Англија.

Натпреварот

На Олд Трафорд пред почетокот на натпреварот

Овие 90 минути од мојот живот тешко дека ќе можам некогаш да ги опишам со зборови. Да се присуствува на натпревар на Олд Трафорд и тоа кога игра твојот национален тим е неверојатно. Добрата игра на нашите и поволниот резултат уште повеќе го разубавија мојот впечаток. Се наежив додека 70.000 луѓе во еден глас ја пееја “God Save The Queen“ а скоро се расплакав кога ние (околу) 1.500 луѓе ја пеевме “Денес Над Македонија“. Срцето ми застануваше на секоја посериозна акција на двете страни. Во сеќавање ќе ми остане моментот кога Џерард ја искрши пречката - цел стадион експлодираше, не можам ни да замислам како ќе беше доколку топката влезеше во мрежата! Пред натпреварот во прес-зоната седев на иста маса со Дејвид Плат (поранешен капитен на Англија), имавме ручек и бесплатно пиење и јадење во текот на целиот натпревар како и по натпреварот. За тие неколку саати ги оштетивме домаќините за неколку десетици литри Bud и Pepsi и стотина вкусни мини-сендвичи. По натпреварот, на прес-конференцијата го “почастивме“ со аплауз селекторот Катанец на што домашните новинари делуваа многу изненадено и зачудено. Селекторот во свој стил: не сакаше да велича и фали никого, едноставно потенцираше дека нашата работа во Англија е завршена и им посака среќа на нашите домаќини во понатамошниот тек од квалификациите.

По натпреварот

Со оглед на тоа дека беше сабота, низ Манчестер владееше лудило. Со последниот свиреж на судијата сите веќе заборавија на фудбал и се префрлија на секс, дрога и пиење. На секој чекор имаше педери, наркомани, транвестити и пијаници. Испивме по некое пиво на 2-3 различни места и се прибравме во хотел. На сите телевизии одеа специјални емисии со анализи за натпреварот. Пофални зборови за Македонија кажаа Алан Ширер, Лес Фердинанд, Гери Линекер, Пол Инс, Гордон Страхан и останатите фудбалски легенди кои беа гости по различни емисии. Се чувствував особено горд што сум Македонец таа вечер во Манчестер

Моето патување во Манчестер 1 дел

2006-10-09T18:30:00.000+02:00

Полека се стабилизирав по 3-те незаборавни денови во Манчестер. Бев во еден од најфудбалските градови на еден од најпознатите и најлегендарните стадиони на светот и присуствував на натпреварот на Македонија пред најмногу публика во историјата. Дополнителна причина за задоволство беше играта и резултатот на нашата репрезентација.

Манчестер

Хотелот Best Western каде што бевме сместени

Градот е преубав. Пред да одам слушав разни муабети дека се работи за лош на изглед и индустриски град но, воопшто не е така. Секоја зграда, куќа, улица, споменик се преубави и не можев да се изнасликам низ улиците. Во Манчестер живеат многу азијати и црномурести луѓе (да не речам кинези и црнци да не ме разберете расистички). Владее голем невкус за облекување и има лош ноќен живот. Не успеавме да најдеме паб/бар/дискотека или кафуле со добра атмосфера. Насекаде имаше хомосекцуалци, бездомници и транвестити. Цените се “изгор“! Не можеш да јадеш ништо под 3-4 фунти (300-400) денари а било какво парче облека или сувенир чини од 10 фунти па нагоре.

Олд Трафорд

Ми требаа 20-тина минути само да го гледам стадионот од надвор. Нешто неверојатно! Шетајќи низ тунелите стигнавме до тунелот од кој фудбалерите влегуваат на теренот. Од таму влеговме и ние за време на тренингот на нашата репрезентација и... се “укочивме“. Добив чувство како да се наоѓам во некоја фудбалска црква или фудбалски храм. Тоа чувство едноставно не може да се опише со зборови, мора да се доживее. Се е перфектно чисто - може “да се лиже“ од столчињата на стадионот. Околу 3 часа не можеа да не “избркаат“ надвор. Сликавме со фото-апарати, се шетавме во сите делови: прес-салите, ложите, екслузивните соби со поглед на стадионот, ресторанот со маси на самата трибина...секаде! Дури по посетата на Олд Трафорд сватив колку нашиот најголем стадион е зад големите во Европа. Насекаде имаше слики од историјата на Манчестер Јунајтед што те тераат да се “наежиш“ иако воопшто не сум фан на овој клуб.

Тренинг на Македонија на Олд Трафорд

Англичаните

Неверојатно учтиви и коректни! Дури за чудење. За три дена никој не ме погледна попреку ниту ми направи некаков проблем. Секој сака да ти направи да се почувствуваш добредојден. Не е важно што не си од Англија и што твојот национален тим ќе биде противник на нивниот. Во една прилика неколку часа се шетав сам низ градот и секој кој го прашав ми помагаше со инструкции каде да одам, каде има добри или евтини ресторани и сл. Дури кога ќе влезеш во продавница за спортска опрема (дресови и сл.) ако не купиш ништо, продавачите ќе те упатат на друго место каде што би можел да најдеш нешто по свој вкус.

Свирач на интересен инструмент :)

Храна

Видов што значи “English breakfast“. За доручек луѓето почнуваат со чај и житарици преку јајца, колбаси, сланина, грав се до торта, сок и пиво. Освен познатите ресторани како McDonalds или Pizza Hut и Subway не можев да најдам некое место со “нормална“ храна. Строго се знае каде има англиска, италијанска или кинеска кујна. Се “скапав“ од јадење во McDonalds бидејќи тоа беше најблиску до мојот вкус.

Поздрав од Манчестер!!!

2006-10-06T21:06:00.000+02:00

Луѓе, во моментов ви пишувам од хотелот во кој сум сместен во центарот на Манчестер. Пред неколку часа се вратив од Олд Трафорд и не би можел да најдам правилни зборови за да го опишам моето искуство. Едноставно, Олд Трафорд е нешто кое мора да се доживее. Буквално се “укочив“ излегувајќи од тунелот на теренот и седејќи на местото на Алекс Фергусон.

Со неколку слики ќе се обидам да ви ја доловам атмосферата. Не можам ниту да замислам како ќе изгледа стадионот утре со 74.000 гледачи. Неверојатно!

Ексклузивно од Манчестер!

2006-10-05T11:13:00.000+02:00

Утре заминувам во Манчестер, Англија! Се опремив со дигитален апарат и лап-топ и на мојот блог ќе постирам фотографии и импресии директно од Манчестер.

Old Trafford Inside

Полетувам од Скопје во 10:30 а во Манчестер ќе бидам во 12:15 по локално време (13:15 македонско). Утре имам посета на Олд трафорд каде ќе го следам тренингот на нашата репрезентација а потоа и прес-конференцијата на селекторот Катанец.

Old Trafford Outside

По тренингот, планирам да одам на City of Manchester Stadium - стадионот на Манчестер Сити кој се наоѓа на 5 милји од Олд Трафорд. Овој стадион вчера беше избран како место каде што ќе се одигра финалето од Купот на УЕФА во сезоната 2007/08 и ќе биде интересно да се посети.

City Of Manchester Stadium - In&Out

Во сабота следува главниот настан: Англија - Македонија. На моето место во прес-ложата сигурно ќе добијам пристап до брз интернет па ќе се обидам со слики и неколку клипови да ја доловам атмосферата на Олд Трафорд.

Во недела ќе го проследам и заминувањето на репрезентативците во Андора и тоа на аеродромот во Барселона од каде што ќе се вратам во Скопје. Не можам со зборови да ја опишам мојата возбуда и нестрпливост да влезам на Олд Трафорд!

Ќе се остварат ли нашите соништа на “Театарот на соништата“

Околу натпреварот: Се надевам на позитивен резултат. Од следните 2 натпревари (Англија и Андора) мораме да освоиме најмалку 3 бодови за да останеме на вистинскиот курс. 2 порази од Англија нема да бидат трагедија или да ги нарушат нашите планови во групата. Ако добиеме некој бод и на Олд Трафорд, тоа би било премија! До крајот на оваа година, освен овие 2 средби ни преостанува и натпреварот против Русија во Скопје кој исто така е must-win ако сакаме да се надеваме на позитивен пласман на табелата. Стискајте ги палците и навивајте за Македонија!

Jose Mourinho - Made in Portugal

2006-10-04T15:34:00.000+02:00

Завршив со читање на книгава уште пред неколку недели но, конечно најдов време да пишам збор-два.

Не станува збор за автобиографија на Мурињо туку книга напишана од спортски новинар кој ја следи неговата кариера од самиот почеток до денеска. Многу го сакаат, уште повеќе го мразат но фактите говорат дека Жозе Мурињо е најуспешниот тренер на негова возраст во историјата на фудбалот. Токму затоа препорачувам да ја прочитате книгата која говори за неговиот пат од преведувач на Боби Робсон до освојувач на Лигата на шампионите како главен тренер.

Неверојатна е самоувереноста на Мурињо! Се воодушевив! Боби Робсон е човекот од кого Мурињо го „украде“ начинот на однесување на теренот, начинот на комуникација со фудбалерите, мотиваторските способности. Луј ван Гал пак е тренерот од кој Мурињо ги научи тајните на фудбалската стратегија/тактика.

43 години: 2 титули во Португалија, 2 купа во Португалија, 2 титули во Премиер лигата, 1 титула во Купот на УЕФА, 1 титула во Лигата на шампионите! Книгата мора да се прочита...

Брацо и парите

2006-09-23T12:35:00.000+02:00

Не ми се верува. Во Вардар и понатаму се случуваат штрајкови на фудбалери. Клубот денеска повеќе личи на некое стечајно претпријатие отколку на лидер на табелата во домашното првенство.

Ветувања...

„Иде Брацо...“, „Брацо се јави, на граница бил со куферот пари“, „Само што не преминал граница Брацо со парите“, „Брацо ќе дојде во понеделник“, „Брацо ќе плати до крајот на неделава“, „Брацо пратил пари, во секој момент ќе стигнат“ и т.н. Ова се зборовите кои фудбалерите на Вардар ги слушаат во последните 5 години. Брацо и парите! Никако не може да ми се разјасни како самите фудбалери „паѓаат“ на вакви муабети од управата а и никако не може да ми се разјасни кои се причините поради кои не се редовно плаќани.

БРАЦО СО КУФЕРОТ СО ПАРИ

Глупав

Да се разбереме, сите кои играле за Вардар во претходните неколку сезони си ги добиле сите пари кои биле предвидени за нивна плата. Сите до денар. Ама, не ги добиваат редовно. Од ваквата ситуација можам да заклучам само едно: Брацо е глупав! Зашто редовно не ги исплаќа фудбалерите? Што постигнува со тоа? Истите пари секако на крајот на сезоната ќе мора да ги доплати а вака, во среде сезона, само го оштетува својот тим и влијае на резултатите кои подоцна на него самиот ќе му донесат финансиски профит.

Препорака

Прошетајте се утре (недела) до Градскиот стадион... Во 15:30 часот Вардар ќе игра против Силекс. Не сакам да тупам како тоа до пред неколку години било дерби и бла бла... Целта на вашата посета е да гледате како играат фудбалери кои не тренирале два дена. Вчера и денеска фудбалерите воопшто не тренираа. Многу ме интересира како ќе играат и дали за „без пари“ ќе победат и ќе му ја зачуваат првата позиција на Вардар.

Сега сигурно се преговара во просториите на Вардар:

фудбалерите:

„Платете ни за да тренираме...“

управа:

„Вие тренирајте денес, утре после утакмица во 6 саат ќе стигне Брацо со парите, ќе ви се плати све!“

фудбалери:

„Договорено!“

И ќе следува уште една седмица чекајќи го Брацо со парите...како и последниве неколку години...

РЕТКА СЛИКА: ЦЕЛ ВАРДАР СРЕЌЕН, БРАЦО ДОШОЛ СО КУФЕРОТ

Работнички во Европа...

2006-09-21T02:59:00.000+02:00

Помеѓу двата натпревари на Работнички Кометал со Базел, сакам да прокоментирам околу годинашниот настап на нашиот шампион во Европа.

Враќање во реалноста
Колку и да постои разочарување по првиот натпревар со Базел, факт е дека Работнички го повтори најголемиот успех на некој клуб од Македонија: 3-то квалификациско коло во Лигата на шампионите. Тоа е она кое е важно. Од Работнички го исполнија она кое го најавија: чекор понапред од минатата сезона. Мораме да бидеме реални во очекувањата и да разбереме дека во моментов, во Лигата на шампионите нема место за клуб од Македонија. Ова е така од многу причини. Пред се, ниту еден клуб од нашата земја нема капацитет, како играчки така и организациски, да се натпреварува паралелно во домашното првенство и ЛШ. Пласманот во фазата по групи носи заработувачка но и катастрофални резултати. Погледнете ги излетите на Реал Сосиедад, Бетис, Виљареал, Удинезе... сите „помали“ клубови кои се пласираа во фазата по групи „изгореа“ на домашен план.

Очекувањата од нашиот шампион мора да бидат во рамките на реалноста. Погледнете ја нашата Прва лига и споредете ја со останатите лиги во кои настапуваат учесниците. Постои огромен недостиг од натпревари против квалитетни противници. Нашиот шампион во текот на цела сезона игра 3 или 4 силни натпревари што е премалку.

Недостиг на квалитет
За да се дојде до Лигата на шампионите, МОРА да се инвестира. Тука не зборувам само за редовно плаќање на фудбалерите и добра организација. Тука мислам на доведување на квалитетни засилувања од Македонија и странство кои ќе можат да одговорат на предизвикот. Работнички не инвестираше во составот а стигна на чекор до групите.

Куп на УЕФА
На Работнички не му е потребен настап во Купот на УЕФА! Зашто? Бидејќи овој состав на фудбалери реално нема капацитет да се натпреварува во фазата по групи. Европските натпревари ќе го одвлечат вниманието од домашното првенство, фудбалерите ќе се исцрпат од пеколниот ритам (за прв пат во животот ќе играат во ритам недела - четврток - недела). Работнички ќе добие многу на финансиски план но ќе загуби уште повеќе на резултатски план во домашното првенство. Не велам дека кога веќе се наоѓаме на чекор од влегувањето во групите треба намерно да се загуби, туку посочувам дека недостигаат уште многу елементи кои ќе го претворат Работнички во „европски“ клуб.

Им останува домашното првенство и Купот. Тие се фаворити за освојување на трофеите и препорачувам уште во зимскиот преоден рок да се мисли на засилувања на тимот, заедно со голема „чистка“ на непотребни фудбалери. Само така раководството и фановите ќе можат да се надеваат на нешто повеќе во следниот излез во Европа.

Одам на...

2006-09-19T13:36:00.000+02:00

Олд Трафорд во Манчестер!!! На “театарот на соништата“ во живо ќе го следам натпреварот Англија-Македонија. Во петокот дадов документи за виза и бидејќи одам професионално (како спортски новинар) не би требало да има проблеми.

За тие што не се разбираат толку во фудбал... Одењето на Олд Трафорд за еден љубител на фудбалот е исто како одење на Оскари за некој режисер... Едвај чекам... VIP Press Pass за цел стадион... леле леле...

Интервју: Дарко Панчев

2006-09-18T10:41:00.000+02:00

Дарко Панчев зборува за состојбите во Вардар, мак-фудбалот, ФФМ, репрезентацијата, а дава и свое мислење за селекторот Катанец, потенцијалот на нашите фудбалери, Горан Пандев и Лигата на шампионите. Интересно интервју.

Каков е третманот во Македонија за најдобриот фудбалер во историјата на оваа земја?

Ако се мисли на општиот третман, секако дека сум задоволен. Тука спаѓаат луѓето, навивачите, оние што го следат фудбалот и спортот, тие со мене од секогаш биле коректни, можеби од причина што и јас секогаш сум бил коректен со нив. Комуникативен сум и никогаш не ми било тешко да одговорам на прашање на некој непознат на улица. Сепак, ако мислите на третманот од страна на институциите, мислам дека сме многу далеку од Европа, па и од земјите од Балканот. Не се работи само за мене, јас се надевам дека ќе се подобри третманот за сите оние спортски легенди кои значат нешто во нашето општество. Спортот е една од најважните работи во секое општество и ако врвните спортисти немаат коректен третман, што е со останатите...

Направете споредба на фудбалот кој се играше во ваше време и денешниот фудбал.

Јас не играв фудбал пред многу долг период, поминаа 15 години и сметам дека нема некои значајни измени во фудбалската игра. Во однос на самиот фудбал како игра, разликата е денеска што е малку подигнато нивото на трчање на фудбалерите, како и тоа што сега се игра на многу помал простор. Тоа е најверојатно бидејќи најмногу се форсира системот на игра 4-4-2, кој го игра скоро цела Европа. Кога ги дадов коментарите во врска со нашата репрезентација, во однос на системот на игра, многумина реагираа, но мислам дека оние што реагираа не се доволно упатени. Во Европа се игра 4-4-2, а со овој систем тимовите играат на многу помал простор и ја нема повеќе онаа „растегнатост“ помеѓу одбраната и нападот.
Инаку, во целина мислам дека нема некои поголеми промени. И тогаш беа најопасни нападите од крилните позиции, бидејќи секој добар центар-шут значи шанса за гол, а и сега е исто. За жал, со скратениот простор за игра се загуби доста од убавината и се помал е бројот на врвни фудбалери како Кака или Роналдињо бидејќи на таквите им е потребен поголем простор за игра.

Што се однесува до фудбалот надвор од терените?

Фудбалот е многу напреднат во бизнис-аспект. Светот на фудбалот напредна финансиски. Ако јас во 1992 година го имав рекордниот трансфер со 12-13 милиони долари, сметајте дека тој трансфер во денешни услови би чинел неколку пати повеќе.
Денеска побарувањата од фудбалерите се многу поголеми, но факт е дека и тие самите многу повеќе добиваат во поглед на финансиите. Фудбалот стана еден огромен бизнис, вртилиште на извонредно моќни луѓе од целиот свет, па со тоа многу се подигна и финансискиот дел.

Што мислите дека го спречува тој позитивен финансиски развој на фудбалот кај нас?

Сметам дека сe уште немаме направено добар закон за спорт. Државата мора да сфати дека спортот е еден од клучните елементи во една земја и мора да се реши да го направи тој чекор – овозможување на оние кои имаат силен бизнис и финансиски средства да вложуваат во фудбалот, а со тоа и да имаат некакви бенефиции. Не се работи само за фудбалот, туку за сите спортови.
Ова е чекор што мора да се преземе бидејќи само така ќе се доближиме до Европските стандарди. Па замислете, еден Динамо Загреб на годишно ниво добива 7 милиони евра од градот Загреб. Без финансирање, не може да се постигне напредок.

Споредба на Вардар во 1987 и 20 години потоа, во 2007 година?

Фудбалерите што денеска играат во нашата Лига имаат проблем бидејќи не постои вистинска конкуренција во првенството. Ниту тие самите не знаат до каде се и колку вредат. Во тоа време Вардар се натпреваруваше во извонредно силна Лига, каде уште на самиот старт ја имавме „големата четворка“ на фаворити, а покрај нив уште четири до пет клубови кои им конкурираат. Конкуренцијата беше силна и тоа влијаеше добро на самите фудбалери.
Јас се разочарав од дерби-натпреварот во нашето првенство помеѓу Вардар и Работнички, клубови кои важат за најдобри во нашата земја. Тоа беше еден очаен натпревар. Без разлика на тоа кој победи, секоја чест за Работнички, но доколку јас бев неутрален и дојдев на стадионот да гледам убав фудбал, длабоко ќе се разочарав. Кога најдобрите два тима во земјата играат таков фудбал, тогаш сe е јасно.

Која е улогата на Дарко Панчев во Вардар? Колкава моќ имате за донесување на одлуки, кој всушност ги влече конците?

Улогата што ја имам е релативно голема. Но, во секој случај, мора да се почитува она што го сакаат луѓето што се финансиери. Јас верувам дека и во еден Челзи, кога Абрамович ќе каже дека сака нешто, оние кои се вработени во клубот тоа го исполнуваат. Таква беше последната ситуација кога донесувавме одлука околу новиот тренер на Вардар. Со Брацо најдовме заеднички јазик и решивме да го направиме она што беше негова желба. Јас немав нешто против никого, едноставно го кажав мојот професионален став што беше различен од тој на Брацо, но мислам дека и со ова решение ќе биде добро. Ќе покаже времето.

Во неколку наврати се обидувате да имате поактивна улога во мак-фудбалот, но се чини секогаш наидувате на пречки. Дали има луѓе кои не го сакаат Дарко Панчев во мак-фудбалот?

Ако мислите на ситуацијата во ФФМ, јас веќе имам кажано дека ние ја дадовме поддршката на Иницијативниот Одбор како спортисти. И да има промена на раководството јас нема да имам никаква улога во ФФМ, а не ми ни треба некаква функција. Јас тоа го правев за доброто на фудбалот бидејќи сметам дека оваа гарнитура треба да си оди од Федерацијата.
Интересно е тоа што тие се „вадат“, односно го прикажуваат нивното работење во ФФМ преку резултатите на репрезентацијата. Репрезентацијата не е ФФМ. ФФМ е сервис на клубовите и на репрезентацијата. ФФМ треба да се грижи за фудбалските клубови, бидејќи тие ги даваат репрезентативците. Многу е едноставно. Тие зборат дека рејтингот на репрезентацијата се подобрил – па може да излезе добра генерација на фудбалери и да бидеме 10-ти на ранг-листата на ФИФА, но тоа не значи дека се работи добро во Федерацијата.
Јас сметам дека овие луѓе треба да си одат бидејќи не направија апсолутно ништо позитивно во изминативе неколку години. Па не се направи ниту еден терен за тренинг! Сметам дека треба да дојдат нови луѓе. Дали тие што сакаат да дојдат ќе бидат добри, тоа е друго прашање, тоа ќе покаже времето. Доколку и тие не работат како што треба, јас прв ќе излезам и ќе го кажам тоа.

До каде е Иницијативниот Одбор со битката за влез во ФФМ?

Од УЕФА и ФИФА јасно и гласно кажаа дека ситуацијата ќе биде решена многу брзо, Собранието ќе се одржи во септември или октомври и на тоа Собрание ќе се решат сите работи.

Дали сметаш дека мораше да се случи да дојдат луѓе од страна за да ни ги решаваат проблемите?

Во нашата држава изгледа дека зборовите морал и чест не постојат. Јас ви гарантирам дека во било која земја, доколку некој што го поставиле за претседател, а криел дека е осудуван и сега тоа излегло на површина, веднаш сам ќе си замине. Морал и чест нема, а луѓето по сe изгледа немаат принципи во својот живот. Доколку на мене ми се случи такво нешто, јас ќе избегам од државата, а не да дадам оставка во ФФМ!

Втор пат сте во една „битка“ со Хаџи-Ристески. Што мислите, што е тоа кај Хари што му ја носи поддршката од некои структури?

Нема поддршка! Тој има поддршка од оние луѓе кои гледаат некаков интерес во него. Јас ви тврдам дека половина од луѓето кои се делегати на Собранието не гледале ниту еден фудбалски натпревар минатата сезона. Вистината е болна, но не може да се бега од тоа. Тие што ја даваат поддршката за Хари не ги интересира дали тој е Хари или Панчев или некој друг, ги интересира само да земат 300, 400, 500 евра и да си го зголемат буџетот за тој месец. Некои можеби нема да се согласат со ова што го зборувам, но тоа е вистината, по сe изгледа таков е менталитетот кај овие луѓе. Мислам дека и општо, не само во спортот, во изминативе 15-тина години сите гледаат само да земат нешто од оваа држава, а не и да дадат за неа и да помогнат. Таков е случајот и во Федерацијата.

Да се вратиме на Вардар. Колку во моментов Вардар е далеку од враќање на старите победнички патеки? Каква е моменталната состојба во клубот?

За да биде Вардар подобар од она што е, мора да има поголем буџет. Со сегашниов буџет на Вардар не може да се бараат големи резултати. Без пари не можете да направите силна екипа. Кога се работи за домашниот фудбал, и со овие пари кои ги имаме сега можеме да направиме добар тим, кој ќе се бори за прво место. Меѓутоа, за да имаме шанси за да направиме нешто и во Европа, мора многу поголем буџет.
Кога ќе се средат состојбите во клубот, особено во Собранието на клубот, тогаш ќе бидат на потег оние кои сакаат да инвестираат, да седнат и да се договорат со Брацо заедно да го финансираат клубот. Кога ќе има повеќе финансиери, ќе има поголем буџет и ќе може да се работи нормално.
Со ваков буџет на мене, кој го водам спортскиот дел, ми се врзани рацете и не можам да направам нешто повеќе.

Дали си размислувал да вложиш свои средства во Вардар?

Ова е одлично прашање и сакам таа фама еднаш да ја рачистам. Многу пати сум слушал од многу луѓе вакви прашања и коментари, зашто јас да не влезам со свои пари во Вардар. На сите тие би им поставил контра-прашање: нека ми кажат еден пример во светот каде што големите фудбалски имиња инвестирале свои пари во фудбалските клубови? Дали Бекенбауер дава пари во Баерн? Не постојат такви примери. Зашто јас да давам пари? Јас треба да земам пари од фудбалот, а не да давам. Ако сака некој да го користи моето фудбалско знаење и мојот фудбалски „сенс“, треба да го плати тоа. Така е секаде во светот. Често сум наидувал на ова прашање и мило ми е што конечно можам да се изјаснам јавно.

Твое мислење за денешниот формат на натпреварување во Лигата на шампионите за разлика од времето кога ти настапуваше во ова натпреварување?

Сe што е сега направено е исклучиво поради финансиски причини. Тоа им е јасно на сите, се работи за повеќе пари. Според мене тоа не е коректно бидејќи мислам дека само од шампионските тимови може да се бира шампионот на Европа, како што и било 50-60 години наназад. Која е таа логика некој што е трет на табела во едно првенство да се бори за шампион на Европа. Еве, конкретен пример е Лацио: тие завршија четврти на табелата со 20-30 бодови помалку од шампионот Интер, а може да се случи да игра во финалето на Лигата на шампионите. Која е таа логика? Апсолутно нема никаква фудбалска логика, само финансиска.

Јас сум за промена на форматот и мислам дека помалите земји и клубови треба да добијат поголема шанса, а пред сe натпреварувањето да биде исклучиво за шампионите.

Горан Пандев е нашиот најдобар фудбалер во моментов. Не е благодарно да се прави споредба помеѓу Вас и Пандев, но можете ли да направите споредба на Серија А од времето кога вие настапувавте и денеска?

Видете, Италијанската лига во последниве 2-3 години падна барем 50% во однос на квалитетот. Како го образложувам ова? Освен Интер, Милан и Јувентус, сите други тимови немаат ниту еден силен фудбалер, познат на светско ниво. Тоа доволно говори за падот на квалитетот. Ова им дојде добро на многу фудбалери, секако и за нашиот Пандев, кои се најдоа себеси во таа лига. Во минатото Серија А беше многу посилна од сега. Само што ги следев натпреварите меѓу Сампдорија и Хајдук и за разлика од минатото сега Сампдорија е еден очаен тим. Еден Хајдук беше максимално рамноправен во двата натпревари, па дали тоа значи дека доколку Хајдук игра во Серија А ќе се пласира на средина на табелата, а во домашното првенство не може да победи против Меѓуморје. Тоа се некои паралели кои би можел да ги направам, но да резимирам, Серија А е многу послаба од минатото, а тоа им дојде многу добро на некои фудбалери, вклучувајќи го тука и нашиот Пандев.

Според мене, ако некој сака да покаже дека е добар фудбалер, треба да оствари резултат. Во спортот се мерат само резултатите, останатото не е важно. Ако некој сака да докаже дека вреди, треба да игра во голем тим, какви што се 15 или 20 во Европа. Јас своевремено направив трансфер во Црвена Ѕвезда, еден од најсилните тимови во Европа, освоив она што освоив и тоа доволно говори за мене. Не би сакал да споредувам дали некој играл подобро, полошо, поатрактивно, бидејќи во спортот на крај остануваат да се споредат само резултатите, не е важен временскиот период кога ќе ги остварите.
Во Еспорт имавме анкета во однос на селекторите од странство. Што мислите околу ова прашање, дали можеме да ги оствариме сегашните резултати и со домашни тренери?

Јас уште одамна кажав што мислам. Ако веќе носиме селектор од странство, тој мора да оствари подобри резултати од оние кои би ги оствариле домашните. Па ако веќе се плаќаат 200 илјади евра годишно, треба да се побараат и резултати. Многумина се налутија кога дадов изјава дека и со татко ми како селектор ќе бидеме 5-ти во групата, па дури и ме прогласија за предавник, но тоа е реалноста. Пред Андора и Естонија можеме да се пласираме без разлика кој ќе биде на чело на тимот.
Кое е вашето мислење за оваа генерација на репрезентативци, кој е крајниот дострел?

Би можел да кажам позитивно или негативно мислење за многу фудбалери, но мислам дека нема да биде коректно. Зелениот терен е тој каде се водат сите битки и каде се остваруваат резултатите и тие таму треба да покажат колку вредат. Ако во последните три квалификациски циклуси не можеме да се бориме за ништо повеќе од 4-то или 5-то место, тоа доволно говори за квалитетот на сегашниот тим.

Колку во Македонија има млади фудбалери кои имаат потенцијал да успеат во фудбалот на највисоко ниво? Има потенцијал, но малку се искористува. Првата грешка ја прават самите родители, кои сакаат уште во старт да ги носат децата во странство. Тие изгледа мислат дека во Европа нема деца што тренираат фудбал, па ги чекаат нивните деца да дојдат. Така ги уништуваат талентите, шетајќи ги низ Европа по 2-3 години во кои децата ниту ќе одиграат некој натпревар, ниту, пак, ќе тренираат како што треба. Јас би побарал да се донесе одлука во Федерацијата да се забранат трансфери во странство на фудбалери помлади од 21 или 23 години. Така ќе го подобриме квалитетот на Лигата, а и ќе им овозможиме на талентираните деца да се развијат подобро. Ова е широка тема и не би навлегувал во детали, но важно е да се знае дека таленти има, па останува на нас да ги искористиме.

Интервјуто е правено во кафе-барот „9“ во Скопје (сопственост на Дарко Панчев) во септември 2006 година. Објавено е во Esport и на On.net

Интервју: Џером Шампањ и Џејкоб Ерл

2006-09-18T10:29:00.000+02:00

Посетата на делегацијата од ФИФА и УЕФА во Македонија беше совршена можност од прва рака да дознаеме какви се ставовите на најголемите фудбалски организации за состојбата во која се наоѓа мак-фудбалот. Заедно со уште два други печатени медиуми, добивме еден час разговор со Џејкоб Ерл и Џером Шампањ, во кој се расветлува “мистеријата” за ставовите на ФИФА и УЕФА во однос на ситуацијата во мак-фудбалот. Тие испратија силна порака дека на фудбалска Македонија и треба обединување и смирување на ситуацијата, а тие се луѓето што решиле многу вакви кризи во многу фудбалски федерации низ светот.

Што е она што го видовте во Македонија и ќе го пренесете во ФИФА и УЕФА? Каква е состојбата на теренот?

Ерл: Доста долго го следиме развојот на настаните во вашата Федерација, како што знаете бевме тука уште во февруари, се сретнавме два пати со ваши претставници во Цирих и т.н. Имам една голема папка полна со документи од двете завојувани страни и можам да кажам дека сме доста зафатени со вашата ситуација. Вашата ситуација најдобро би ја опишал како една караница внатре во семејството која може да ја оштети семејната куќа. Вие ги избркавте децата од куќата и ја запаливте, така што сега сте во една состојба во која мора да застанете, да се смирите, оладите и да се научите како повторно да го развивате фудбалот во вашата земја како едно семејство. Тоа е причината поради која сме овде. Не сме овде да диктираме и доминираме или наредуваме, туку да ги смириме двете страни и повторно да ја вратиме слогата во семејството. Инаку, многу скоро може да се случи да се освестите и да увидите дека повеќе немате фудбал: ќе бидете суспендирани, репрезентацијата нема да игра, клубовите нема да играат во Европа... Можеби ќе има победник во самата Федерација, но тој ќе го вее победничкото знаме врз изгорена куќа.

Во моментов, колку ФФМ е далеку од онаа состојба во која ФИФА и УЕФА сакаат да бидеме?

Ерл: Па вие веќе бевте суспендирани од ФИФА и УЕФА! Комитетот за итност на двете тела ве суспендираше, но откако нелегитимното раководство ја напушти зградата на Федерацијата, решивме привремено да ја подигнеме суспензијата откако бевме уверени дека работите ќе се вратат во нормала. Вашата суспензија беше реалност и тоа мора да им се даде до знаење на сите во Македонија, да разберете дека бевте неверојатно блиску до долго суспендирање, а и во моментов, “мечот с$ уште виси” над вашата глава и секој погрешен потег би можел да значи активирање на суспензијата. Не сме тука да ве заплашуваме, но тоа е реалноста и вие медиумите сте тие што треба да им го пренесете ова на вашите читатели, јавноста, политичарите... Бидете свесни дека фудбалот во вашата земја може да експлодира во секој момент...

Шампањ: Јас би сакал да се надоврзам. Знаеме дека денеска не е лесно да се води една Федерација. Насекаде е исто: слабо сте платени, работите преку викенди и со постојана критика од сите страни. Ниту една федерација не е совршена и ниту еден маж или жена не се совршени. Имаме 208 федерации, 3.600 клубови од првите лиги низ светот и знаеме како да се справиме со секаква ситуација. Свеж е примерот со Јувентус од Италија. Ако ФИФА и УЕФА не беа строги со Јувентус и ако му дозволевме да продолжи да игра во Серија А, како потоа би можеле да се справиме со слична таква ситуација на пример во Кенија?! Имаме и 150.000 професионални фудбалери и неколку пати повеќе судии низ светот. Ние едноставно не можеме да прифатиме кога една федерација или дел од федерација не ги слуша нашите наредби. Ние рековме стоп, но тие продолжија. Кога се сретнав со Божиновски, го погледнав во очи и го прашав: “Господине Божиновски, дали бевте свесни за пораките кои ги праќаа ФИФА и УЕФА да се престане со секакви активности. Тој ме погледна и одговори потврдно ‘Да, свесен сум’”. Но, тие од т.н. Иницијативен Одбор продолжија со активностите и морате да разберете таква непослушност е нешто што ФИФА и УЕФА не смеат да си го дозволат, без разлика какви се обвинувањата и тврдењата против актуелната власт. Ако работите започнат да се одвиваат вака, фудбалот едноставно ќе експлодира!

Со која ситуација во друга федерација би можеле да ја споредите состојбата во која се наоѓаме денес?

Ерл: Па јас немам многу примери бидејќи во УЕФА имаме помалку членки, Џером сигурно би можел да каже, тие водат вкупно 208 федерации...

Шампањ: Би можел да ви дадам многу примери, слични ситуации се случувале насекаде во светот. И во повеќето од спорните ситуации Владата на една земја е замешана. Има и светли примери каде властите се држеле на страна од фудбалот. На пример во Габон, претседателот на Федерацијата работеше многу лошо, а министерот за спорт не реши веднаш сам да ги решава проблемите, туку само не извести нас во ФИФА за ситуацијата. Ние отидовме таму, организиравме Генерално Собрание и делегатите му ја одземаа довербата на претседателот на Федерацијата – ова значи дека понекогаш и Владата е во право, но во исто време е пример дека проблемите треба да се решаваат во рамките на самата федерација и ФИФА.
Знаете, ние во ФИФА не сме наивни. Ние знаеме се! Знаеме кој стои позади се: политичките сили, економските сили, медиумските сили – сето тоа е испреплетено и ние знаеме за тоа.

Дали мислите дека Владата беше замешана и во нашиот случај?

Шампањ: Мојот одговор би бил – да, беше замешана. Во моментов не би сакал да коментирам повеќе. Знаете дека господинот Сукис беше во посета на Македонија и го посети премиерот Груевски. Му беше кажано дека не смее да има мешање на политиката во фудбалот. Тоа е тоа. Фудбалот е за сите, не е за социјал-демократи, конзервативци, македонци или албанци – фудбалот е за сите! Ние добро знаеме кој стои зад двете групации и какви се интересите на оние кои сакаат да бидат на чело на Федерацијата – не сме наивни!

Би сакал да ве прашам, како индивидуи, а не претставници на ФИФА и УЕФА, кое е можното решение за сегашната криза во мак-фудбалот?

Шампањ: Кога се вклучени микрофоните и камерите, јас не можам да говорам како индивидуалец, туку само како претставник на ФИФА. Ќе ви кажам една работа, а мислам дека и Џејкоб ќе го каже истото: ние веруваме во она што го работиме и размислуваме исто како индивидуи и претставници на ФИФА. Мислам дека не би можеле да работиме како што треба доколку не веруваме во она што го работиме. Јас не сум во ФИФА бидејќи ми требало вработување, туку бидејќи верувам во она што ФИФА го има како визија за иднината на фудбалот.
Да се вратам на проблемот во Македонија: знаеме дека има проблем и знаеме дека некои луѓе го прават проблемот поради нивни лични интереси. Што ќе се случува понатаму, останува да видиме.

Дали ги имате листите на делегати кои гласаа за Божиновски и Хаџи-Ристески и дали ќе се обидете да дознаете која листа е валидна?

Ерл: Не, не сме дојдени за тоа. Многу позагрижени сме за прашањето на поделеноста. Владее поделеност во сите нивоа на фудбалот и затоа ние сме тука за да воведеме еден период во кој фудбалот малку сам ќе се залечи, ние ќе се обидеме да ги помириме двете завојувани страни и потоа би имало атмосфера за административно решавање на ситуацијата. Во моментов, кој и да биде претседател на ФФМ, Божиновски или Хаџи-Ристески, нема да може да ја води Федерацијата кога нема да знае дали Генералниот секретар е на негова страна или против него или дел од стручната служба е против него... Ова едноставно не е правилната атмосфера за развој на фудбалот. Во Европа, непрекинато се работи на развојот на фудбалот. Секој нов ден е еден чекор напред за фудбалот, а во моментов во Македонија се одат крупни чекори наназад. Поделеноста не е добра за никого!

Дали имате идеја како да ги смирите двете страни?

Ерл: Па тоа се обидуваме да го направиме денеска. Имавме одделни состаноци со Хаџи-Ристески и Божиновски, ги седнавме заедно, некако се обидуваме во следниот период да се смират страстите. Знам дека не е лесно, но с$ е можно. Ние мораме да се обидеме. Моја одговорност е да дојдам тука и да се обидам да ги смирам работите.

Дали сте оптимист или песимист во врска со Македонија? Дали гледате излез од кризата?

Ерл: Јас сум професионален дипломат, па никогаш не можам да кажам дека сум оптимист или песимист. Јас сум реалист! Двете страни разбираат дека нема друг начин и друг пат освен оној кој ние ќе го зацртаме. Ниту ќе победи Божиновски, ниту Хаџи-Ристески – фудбалот ќе загуби! Мораме да им објасниме на двете страни дека доколку продолжат вака, сите ќе бидат губитници, како што реков претходно, можеби некој ќе биде победник, но ќе го вее знамето врз срушена куќа. Мораат да разберат дека ќе треба еден период во кој ќе се смируваат страстите и ќе се создава адекватна атмосфера за да се одржи нормално Генерално Собрание на кое демократијата ќе победи.

Дали мислите дека проблемите ќе бидат решени пред стартот на новото првенство?

Ерл: Видете, Македонија е членка на ФИФА и УЕФА и ние сакаме да ги решиме проблемите тука што поскоро. Токму затоа и сме дојдени во Македонија и ако има потреба ќе дојдеме повторно. Секако дека сакаме с$ да се реши пред стартот на првенството, но во овој момент не можеме да ветиме такво нешто.

Шампањ: Ние сакаме квалитетно решение на ситуацијата и немаме простор за неуспех во Македонија. Можеме уште утре да организираме Генерално Собрание на кое ќе испратиме наши луѓе за да го организираат, но кој и да победи на тоа собрание нема да може да ја води Федерацијата! Ние дојдовме тука да пратиме една единствена порака: во моментов, двете завојувани страни мора да се смират, нашата задача како ФИФА и УЕФА е да го најдеме решението и излезот од проблемите, а ваша задача како медиуми е на вашата публика да и објасните дека во моментов ситуацијата е вратена под контрола и се работи на изнаоѓање на решение. Токму затоа и побаравме дополнителна средба со медиумите. Има една чудна работа кога е во прашање односот на медиумите со раководствата на фудбалските федерации: кога репрезентацијата ќе победи и ќе освои некое големо натпреварување, медиумите ги величаат фудбалерите, а не обрнуваат внимание дека Федерацијата е таа која им овозможила услови за да се подготват и да победат. Но, кога репрезентацијата ќе загуби некој натпревар или ќе доживее неуспех во некои квалификации, Федерацијата и претседателот на таа федерација се секогаш први на удар. Јас го знам ова бидејќи седум години работев во Франс Фудбал, најголемиот француски фудбалски магазин. Кога Франција ги освои Светското и Европското првенство, сите ги величаа фудбалерите, а кога доживеа дебакл во Јапонија и Јужна Кореа, сите ја обвинуваа Федерацијата. Сигурен сум дека и во Македонија било слично – можам да се обложам дека кога одигравте нерешено со Англија на Олд Трафорд, ниту еден медиум не ја спомна Федерацијата или Хаџи-Ристески како заслужни бидејќи овозможиле услови, добар хотел и т.н. Сепак, сигурен сум дека кога ќе се јави и најмал проблем, сите веднаш удираат по ФФМ. Така е насекаде.

Но, ние (“Македонски Спорт” н.з.) не сакаме да го промениме Хаџи-Ристески поради поразите од Андора и слично. Имаме докази дека тој е кривично осуден, а според Статутот на ФФМ претседател не смее да биде човек кој е осудуван...

Ерл: Значи ќе се навратиме на Статутот. Се уште не би сакал да коментирам за кривичната осуда на Хаџи-Ристески, но би сакал да истакнам дека ние сме тука, пред се, за да го заштитиме фудбалот, а не Статутот или Хаџи-Ристески. Она што е факт е дека Хаџи-Ристески е избран за претседател на легитимно Генерално Собрание со поддршка од 93 делегати, а пресудата која ја споменувате била позната и тогаш. Сега, јас не можам да кажам колку од делегатите биле или не биле запознаени со пресудата... Морате да разберете дека во моментов, Хаџи-Ристески е избран и е легитимен претседател на ФФМ. Ние не се плашиме од промени во Федерацијата, туку од начинот на кој се прават промените. Не можеме да дозволиме промена на раководството без да се почитува Статутот на Федерацијата како и на ФИФА и УЕФА. Тоа е главниот проблем. Ние немаме ништо особено за или против било кој од кандидатите, ние само се грижиме да се запазат процедурите. Ако во Македонија дојде до смена на раководството со заобиколување на процедурите, а ние го дозволиме тоа, подоцна истото ќе ни се случува и во другите земји.

Шампањ: Ќе ви кажам повторно: го погледнав Божиновски во очи и го прашав дали бил свесен за соопштенијата на ФИФА и УЕФА да се престане со вон-статутарните активности на т.н. Иницијативен Одбор и тој одговори дека ги прочитал. Го прашав дали продолжиле и понатаму и тој ми рече дека продолжиле. Тоа е класично непочитување на ФИФА и УЕФА и наредбите кои доаѓаат од наша страна и тоа е недозволиво. Дури и господинот Панчев му се јави на Мишел Платини и претседателот на УЕФА му рече дека не смеат да продолжат вака, но тие продолжија да дејствуваат. Тоа е нешто кое ФИФА и УЕФА не можат да го прифатат.

Тоа е причината што дојдовме тука и се состанавме со двете страни. Сега ќе спроведеме истрага и во Општинските фудбалски сојузи. Сите зборуваат за Генералните собранија, но делегатите таму доаѓаат од ОФС, па затоа ќе мора да се провери состојбата во секој ОФС одделно. Ние сме многу темелни и верувајте дека правилно ќе ја решиме ситуацијата. Знаеме точно што се случува. Знаеме за синот на поранешниот претседател на ФФМ (Горан Иванов, син на Љубислав Иванов – Ѕинго н.з.) кој поседува многу моќна медиумска куќа – во исто време, тој стои зад Иницијативниот Одбор, а сите медиуми од неговата групација се поддржувачи на Иницијативниот Одбор и известуваат против Хаџи-Ристески! Го знаеме и тоа! Верувајте дека ќе ја решиме ситуацијата правилно. Ние не веруваме во она што ни го кажува Хаџи-Ристески, туку веднаш го проверуваме. Исто така, не веруваме во она што ни го кажува Божиновски – и тоа го проверуваме. На крај, доаѓаме тука во вашата земја и спроведуваме истрага. Не велам дека Горан Иванов не смее да биде дел од раководството на ФФМ, но ние сакаме да испитаме дали постојат други интереси од негова страна освен фудбалските, како на пример, економски причини.

Хипотетички, кога би биле претседател на ФФМ, кои би биле приоритети во вашата работа во моментов?

Шампањ: Па тоа е многу тешка работа и не сум сигурен дека би се кандидирал за таа позиција, но кога би бил претседател, најпрво би го реформирал и модернизирал Статутот.

Тоа изгледа е еден од главните проблеми бидејќи статутите на ФФМ, ФИФА и УЕФА не делуваат синхронизирано, па сега сме во ситуација во која според домашниот Статут важат едни, а според статутите на ФИФА и УЕФА други принципи и критериуми...

Шампањ: Тоа е точно и токму затоа постои “драфт”-верзија на нов Статут, но за да се усвои е потребно 2/3-мнозинство на Генералното Собрание, а во моментов нема услови за такво нешто. Втора работа што би ја реформирал во ФФМ е клубовите од Првата лига да не бидат претставувани од страна на Општинските фудбалски сојузи. Во моментов тие практично немаат свои вистински претставници (делегати) на Генералното Собрание. ОФС би требало да ги претставуваат пониските нивоа на фудбал, а сите клубови од Првата лига би требало да имаат свои претставници, делегати на Генералното Собрание. Третата работа што би ја направил е реформа на Општинските фудбалски сојузи. Би се инвестирале повеќе пари, би се работело потранспарентно.

Ерл: Ако ме прашувате мене, и јас не би се кандидирал за претседател на ФФМ. Сепак, морам да истакнам дека има голем напредок во однос на организацијата на работата на ФФМ од последниот пат кога бевме овдека во 2004. Сегашното раководство наследи скоро банкротирана федерација и успеа со добра финансиска работа да ги расчисти долговите и дополнително да работи профитабилно. Јас би се сконцентрирал на распределувањето на парите и би сакал поголемиот дел од парите кои ги добивате да бидат “распрскани” низ клубовите за да им се помогне на самите клубови кои живеат тешко во моментов.

За крај, која е пораката на ФИФА и УЕФА за Македонија во моментов?

Ерл: Да разберете дека сега ситуацијата е под контрола и следниот период ќе биде посветен за да се направи детална анализа на сите случувања и сите факти и докази приложени од двете страни. Нема друг начин за спас на мак-фудбалот освен оној на ФИФА и УЕФА.

Разговорот е направен во Хотел Стоун Бриџ во Скопје во јули, 2007 година, при посетата на пратениците на ФИФА и УЕФА на ФФМ и Иницијативниот Одбор за промени во Федерацијата. Интервјуто е објавено во Esport, а дел од интервјуто беше објавено и во „Македонски Спорт“, но со многу „шминкање“ (да не напишам „лажење“).

Интервју: Јовица Николовски

2006-09-18T10:22:00.000+02:00

Разговор со Јовица Николовски, екс-претседателот на фудбалскиот клуб Македонија Ѓорче Петров, кој од неодамна е лиценциран менаџер на ФИФА. Иако само краток период работи како менаџер, добро е запознаен со состојбите во мак-фудбалот, а тој е и човекот кој стои зад последните два поголеми трансфери на фудбалери надвор од нашите граници: Филип Ивановски и Артим Положани. Поводот за разговор беше токму трансфер-пазарот во Македонија, но и севкупната состојба во мак-фудбалот.

Што всушност значи лиценцата за менаџер?

Тоа значи како да отидеш на факлутет, го завршиш и добиеш диплома. Сепак, не значи дека си способен да го работиш добро она за што си завршил. Лиценцата е едноставно едно признание т.е. една дозвола за да се работи како менаџер.

Како би ги оценил условите на трансфер-пазарот во Македонија и дали тука воопшто постои некаков трансфер пазар?

Прво и основно, ние во Македонија немаме трансфер листа, а ако таква постои, барем јас не сум ја видел досега, а ниту јавноста ја видела. Во сите нормални земји постојат трансфер листи: се знае кој каде преминал, кој е слободен играч и доколку јас клубот утре продава еден фудбалер за одредена сума на пари, тоа се објавува во трансфер листата и сите менаџери и заинтересирани клубови ги имаат достапни сите информации. Кај нас вавко нешто не постои.

Кој треба тоа да го регулира, кој треба да ја прави таа трансфер-листа?

Федерацијата! Постои Статут, одредби според кои треба да работи Федерацијата, но за жал тие постојат само на хартија, но не и во пракса. Нашата Федерација е во хаос. Она што се случува во пракса е сосема трета работа. Ние имаме договори помеѓу фудбалерите и клубовите каде местото на кое треба да биде напишана платата за фудбалерот е оставено празно, а во ФФМ ги заверуваат овие договори како валидни.

Имаше инспекција во клубовите која откри дека само два клуба ги пријавиле своите фудбалери на легален начин и ги плаќале нивните придонеси. Каква е ситуацијата во моментов? Кој треба да ја регулира оваа ситуација и да ја доведе во нормала?

Стандардните договори кои сега се потпишуваат со фудбалерите и се заверуваат како валидни во Федерацијата се на еден лист хартија, а кога ние сакаме да направиме нормален договор според светските стандарди, во ФФМ тоа не го прифаќаат. Федерацијата е она тело кое треба да ја регулира ситуацијата. Според различните одредби од Статутот и правилниците, различни сегменти од ФФМ се задолжени за решавање на различни прашања, но претседателот на Федерацијата е тој што може и мора да ги потегне сите прашања. Претседателот на ФФМ во фудбалот е она што е премиерот во политиката.

Во интервјуто во минатиот број на Еспорт, Коста Костовски (потпретседател на Работнички К.) рече дека во Македонија треба да се обрне поголемо внимание на создавањето на млади фудбалски таленти кои подоцна би се продавале во странство. Какви се условите во Македонија за создавање на фудбалери?

Најпрво би се сложил со она што го кажа Костовски – тоа е факт. Ние не сме некоја огромна држава од 80 или 100 милиони жители каде има атрактивен фудбал, привлекуваме гледачи, имаме приходи од ТВ права и од маркетиншки активности. Кај нас просекот е 400-500 гледачи на еден првенствен натпревар. Ги немаме условите. Ние менаџерите треба да бидеме оние кои ќе ги пронаоѓаат младите таленти, но нема услови во кои тие понатаму би тренирале и би се развивале како фудбалери. Многу малку клубови имаат какви-такви услови за тренирање на млади фудбалери. Немаме клубови што имаат добри помошни терени и повеќе помошни терени. Немаме клубови што имаат четири различни соблекувални, а 80% од клубовите немаат ниту топла вода и струја – тоа се само некои основни услови.

Колку клубовите од Македонија можат да сметаат на профит од продажбата на фудбалери внатрешно во Македонија, а колку во странство?

Во Македонија има можеби три до четири клубови кои можат да направат некој трансфер меѓусебно. И тие трансфери се за мали суми, кои едвај некогаш можат да достигнат до 100.000 евра и тоа доколку се работи за исклучителен фудбалер, па да има борба за неговите услуги. Инаку, просечните трансфери меѓу овие клубови се од 20.000 до 40.000 евра.

Според вашите информации, колку изнесува највисокиот трансфер во нашето домашно првенство?

Немам такви информации бидејќи, ќе повторам, не постои таа официјална трансфер листа на која се би било транспарентно и отворено. Можеме да шпекулираме, но немам докази за да кажам конкретна сума.

Колку клубовите се вешти во продавањето на фудбалерите во странство? Најголемиот дел од фудбалерите завршуваат надвор за мали пари во нереномирани клубови, се добива впечаток дека клубовите сакаат само што побрзо да заработат некое евро по секоја цена...

Ако секој фудбалер одбере добар менаџер, менаџерот ќе биде тој што ќе ги води преговорите и ќе се бори за многу подобри услови за својот фудбалер во односот фудбалер-клуб. Во овој случај, ние немаме менаџери кои работат добро во нашата земја, туку најголемиот дел од нив гледаат набрзина да заработат 500-1.000 евра без разлика каде и под кои услови ќе го продадат фудбалерот. Ако фудбалерите се паметни и имаат менаџери, ќе биде полесно за нив.

Колкав дел од фудбалерите кај нас имаат менаџери?

Многу мал процент. Според моја проценка, најмногу 5% од фудбалерите имаат менаџери.

Постои ли регулатива која би го задолжила фудбалерот да има менаџер кој ќе го претставува?

Никој не наложува. Тоа е исто како на суд – доколку сте обвинети, можете да се браните и самите, но сите земаат адвокат бидејќи тој го знае правото. Еден фудбалер не може да знае се - тој треба да игра фудбал, а не да ги познава статутите на ФИФА, УЕФА, ФФМ и сите правилници. Тоа е работата на менаџерот. Кај нас, најголемиот дел од фудбалерите се несериозни и многу несериозно гледаат на овие работи. Само сакаат набрзина да извлечат колкава-толкава сума на пари. Другиот дел од фудбалерите или знаат се, или имаат премногу среќа со трансферите. А колку што гледам, многу мал дел од нашите фудбалери имаат среќа.

Што се однесува до менаџерите, многумина од нив не работат како што треба. Гледаат само набрзина да го продадат фудбалерот, да заработат некоја сума на пари, а потоа воопшто и не се интересираат за фудбалерите како тие ќе успеат и ќе се снајдат каде што ќе заминат.

Каква е состојбата со менаџерите во Македонија? Низ годините често имаше контраверзи во однос на работата на менаџерите на нашиве простори...

Мислам дека во Македонија има 8 лиценцирани менаџери, повеќето се здобија со лиценцата при последното полагање кога и јас положив. Времето за работа беше кратко и не би можел да ја коментирам конкретно нивната работа. Во Македонија има еден докажан менаџер, а тоа е Фали Рамадани и според мене тој е еден од најдобрите менаџери на балканските простори.

Како семејство Николовски сте инволвирани во фудбалот. Ваш поглед на моменталната ситуација во мак-фудбалот?

Во моментов не се знае статусот на нашата Федерација. многу работи не се решени: имаме две раководства, ФФМ не работи, зградата е под клуч... Ние не треба да измислуваме топла вода, доволно е само да се свртиме кон Европа и да видиме која било друга земја. Ниту едно првенство во Европа не потпаѓа под Федерацијата. Сите си имаат Здружение на клубови кое управува со лигата почитувајќи ги одредбите на Федерацијата. Моментално, кај нас претседателот на ФФМ е најсилниот човек во фудбалот и судбината на сите клубови е во негови раце. Тоа мене ме потсеќа на некое кралство од минатото каде што кралот ја има апсолутната власт, а во едно демократско општество, тоа не треба да постои. Зашто немаме ниту еден фудбалски натпревар на телевизија? Зашто се зборува за наместени натпревари? Тоа е така бидејќи некој има интерес од тоа. Според сегашниот модел, претседателот и раководството на ФФМ ја водат и Првата, Втората, Третата и сите лиги, а дали досега се ангажирале да поработат малку на маркетиншки план? Дали сте виделе некоја кампања за фудбалот? Со што помогнале во развојот на младинскиот фудбал? Во ред се неколкуте работи што се направени, како малите терени низ земјата и слично, но тоа се проекти од социјален карактер, не од фудбалски.

Што е пречката што кај нас не функционираат Здруженијата на клубови, фудбалери...?

Како што кажав и претходно, ние во фудбалот имаме кралство и крал. И во времето на кралевите имало синдикати, но колку функционирале мислам дека доволно сме паметни за да знаеме. Постоеле здруженија, но што можат тие да направат кога луѓето што ги воделе биле всушност луѓе од самата Федерација?

Насекаде, фудбалот е екстра-профитабилен спорт. Каква е ситуацијата во Македонија?

Проблемот е што многу малку луѓе т.е. фирми вложуваат приватен капитал во фудбалот. Останато е она од времето на социјализамот кога директорите на клубовите не вложувале пари од свој џеб и многу не се грижеле за тоа како ќе се трошат буџетите и дали клубовите ќе работат со профит. Кога ќе има повеќе приватен капитал во клубовите, работите ќе функционираат нормално, а ќе треба да помине уште доста време кога вложувачите ќе можат да очекуваат нешто од она што го вложиле да им се врати. Во светот, најголемиот дел од профитот на клубовите доаѓа од телевизиските права, а кај нас фудбалот не се пренесува на телевизија. Можеби е и нормално што не се пренесува бидејќи нема интерес. С$ што во медиумите има за мак-фудбалот е едно мало делче на крајот на вестите во кое најчесто можат да се слушнат само негативни работи. И во една ваква економска и општа ситуација во државата, кога луѓето сакаат да се релаксираат со спортот, ги слушаат и гледаат истите ситуации како и во политиката. Нормално е дека ќе нема интерес. За споредба, дури и во Србија и Албанија се пренесуваат во живо натпреварите од домашното првенство, а со тоа и клубовите зад себе имаат силни спонзори.

Вие како семејство инвестиравте во еден клуб. Во интервјуто со Костовски (Работнички К.) тој рече дека нивното инвестирање во мак-фудбалот се уште е само добра волја и донаторска мисија, а далеку од профитабилен бизнис. Што би им порачале на останатите кои размислуваат да инвестираат во фудбалот?

Се сложувам со Костовси дека во моментов ситуацијата е таква. Сите што вложуваме во фудбалот го правиме тоа како некое донаторство или, пак, гледаме на тоа како инвестирање во некоја иднина. Сепак, не би можел нешто конкретно да им препорачам на оние кои би сакале да инвестираат во фудбалот бидејќи с$ зависи од тоа како се работи. Тоа е исто како во бизнисот: имате неколку фирми од иста бранша, но некои работат со загуби, а некои со голем профит. Не можат сите да бидат успешни. Инвестирањето во спортот има три страни: една е бизнис аспектот, втората е задоволството, а третата страна е оној социјален карактер, да се тргнат децата од улица и да живеат спортски.

Дали остана нешто што не ве прашавме, а сакате да го кажете?

Би сакал само што побрзо да се среди состојбата во ФФМ и конечно да имаме една професионална лига, која според мене во моментов е на половина пат од професионална. Истото важи и за Втората лига и сите клубови, од кои во моментов само дел се на половина пат да станат вистински професионални клубови. Колку побрзо ќе се реши прашањето на професионалноста во нашиот фудбал, толку побрзо ќе имаме нормален фудбал. Едноставно, недостига професионализам во сите сегменти на фудбалот. На фудбалерите би им препорачал, како што сите фирми во нашата земја имаат адвокати, тие да си најдат менаџер кој би ги советувал и би ги работел за нив работите кои тие самите не знаат да ги работат – за нивно добро. На крај и на медиумите би им порачал да се занимаваат со попозитивни работи во врска со фудбалот.

Разговорот е правен во текот на летниот период во 2007, во канцелариите на НИКОБ во Скопје. Интервјуто е објавено во Esport.

Интервју: Коста Костовски

2006-09-18T10:10:00.000+02:00

Прекината е доминацијата на Работнички Кометал во мак-фудбалот, се случи најконтраверзната смена на тренер во Македонија, имаше тешки обвинувања од нивна страна и кон нив. Сето ова ме испровоцира да поразговарам со потпретседателот на клубот, Коста Костовски. За првпат, Коки зборува и за финансиските детали од водењето на клубот.

Ваш поглед на изминатата сезона. Работнички ја загуби титулата, остана со празни раце во Купот и се случи можеби најконтраверзната смена на тренер во нашата историја?

Не можеме да се пофалиме дека сезоната беше успешна. Сите очекувавме трета титула, но еден сплет на околности, како од наша страна така и игрите од страна доведоа до тоа да ја загубиме титулата. Втората работа со која се соочивме е смената на тренерот Јовановски, каде што наидовме на едно големо недоразбирање преку кое не можеше да се помине и покрај тоа што нашата соработка траеше нешто повеќе од 3-ипол години. Се случија промени во стручниот штаб, но мислам дека не одиграа некоја улога во однос на залагањето на фудбалерите и игрите на Работнички.

Дали од денешна перспектива сметате дека беше грешка да се отпушти Ѓоре Јовановски. Колку беа тие причини силни за да се одлучите да отпуштите тренер под чие водство Работнички с$ уште беше на првото место на табелата?

Знаете, Управниот Одбор на Работнички Кометал е сочинет од луѓе кои работат во клубот и луѓе кои го финансираат клубот. За разлика од изминатите години, нормално е дека имаше позитивни и негативни работи кои одеа во корист или против тренерот, игрите на тимот, пристапот кон играта и резултатите. Меѓутоа, сето тоа се истрпи до еден одреден степен. Прашањето ви беше дали сметаме дека е грешка – мислиме дека не е грешка смената на тренерот. Донесовме адекватно квалитетно засилување на тренерската позиција и покрај тоа што некои не би го окарактеризирале Беквалац како тип на тренер кој носел титули. Меѓутоа, според зборовите на луѓе кои што го знаат како тренер и човек, се работи за добар стручњак, искрен љубител на фудбалот и човек кој сака само да работи. Тоа е тоа што нас не интересира, а тој сега доаѓа во средина во која се очекуваат трофеи.

Работнички Кометал, Македонија Ѓорче Петров и Ренова ги прават најголемите инвестиции, а Победа е шампион. Ваш коментар?

Сето тоа се должи на некои заткулисни игри. Игри со кои што јас мислев дека нема да се соочам и дека сето тоа не се случува овде. Меѓутоа, сите тие одредени луѓе од тимовите кои денеска се шампион и освојувач на Купот само те тапкаат по рамо, а зад грб ти прават работи кои ти не ги очекуваш од нив. Коментарот е дека според вложеното, Победа не заслужува да биде шампион, но поради среќата која ги следеше и, нормално, игрите кои ги играа се најдоа на онаа позиција на која сакаа да бидат.

Вардар обвинуваше дека сте нуделе финансиски средства за да ви “попуштат” во натпреварот на крајот на првевнството. Како ќе го коментирате тоа?

Сето тоа е некоја игра која дава до знаење дека Вардар сака да си прави алиби за сето тоа што е сторено од нивна страна. Алибито е дека мора да го оправдаат поразот од Победа и мораа да ја оправдаат победата над истиот тим во финалето на Купот на Македонија. Нормално, јавноста мислам дека знае што се случуваше, а ова е еден нивен обид да го тргнат сомнежот од себе и да го насочат на друга страна. Работнички не е клуб што сака да дава пари на други клубови, туку е клуб што сака фудбалот да победи. Ние, сега и во претходните години, секогаш сме биле единствени во однос на тоа што сме им го давале на фудбалерите и сме имале највисоки премии. Така што, не ја разбирам логиката, зашто би давале на други, а не би дале на своите, кога знам дека тие момчиња можат да го направат тоа. Ова е само кревање афера од нивна страна за да го префрлат вниманието на друга страна, само за да го тргнат сомнежот од нивната наместена работа.

Побаравте казни за Победа и Вардар. Колку сте сериозни во таа намера и до каде ќе одите за да ја истерате правдата?

Фамилијата која стои зад Работнички има принципи во животот преку кои не може да пројде. Ние очекуваме, а во минатите неколку дена и структурите во ФФМ се произнесоа, дека ќе се испитаат натпреварите помеѓу Вардар и Победа. Мислам дека ФФМ и структурите кои се задолжени за тоа, добро ќе ја преиспитаат работата, а најдобар доказ за “сомнителноста” се зборувањата на јавноста и луѓето во околината. Ние како Работнички ќе стоиме зад зборот дека бараме ригорозно казнување на клубовите кои се нашле во една таква “шема”.

Го поддржувате Хаџи-Ристески. Од каде оваа поддршка и зашто не сте за промени во ФФМ?

Ако се вратиме неколку години наназад, откако Хаџи-Ристески е избран за претседател, многу работи во фудбалот се променија: има достојна комуникација меѓу клубовите, има достојно судење, особено по отстранувањето на некои судии од минатото, видовме дека постои желба во ова раководство да раководи со фудбалот на фудбалски начин и да им пружи на сите актери во првенството максимални услови за игра, без разлика дали се работи за Работнички или Брегалница. Дадовме поддршка и с$ уште стоиме на тоа. Мислиме дека Иницијативниот Одбор, т.е. одредени членови на ова тело немаат капацитет за подобрување на фудбалот, туку напротив, со самата смена на раководството на ФФМ би дошло до уште полоши состојби во мак-фудбалот.

Постои ли формула за подобрување на мак-фудбалот? Изминативе години почна да се инвестира во неколку клубови, но што уште е потребно во Македонија да се игра нормален фудбал и да се вратат луѓето на трибините?

Постојат две работи. Првата работа е подобрувањето на инфраструктурата и капацитетите кои го поседуваат фудбалските клубови. Би требало да се игра во нормални услови на сите терени во Македонија, а не да имаме разлика помеѓу терените на Градски и оној во Штип. Втората работа е на државата, која мора да размисли како би го помогнала спортот и евентуално, доколку има начини да се обезбедат некакви субвенции за луѓето што сакаат да вложуваат во спортот. Тоа е единствен начин луѓето да се заинтригираат за да вложуваат во спортот. Кога ќе имаме поголеми вложувања, резултатите неминовно ќе дојдат и сите ќе ги видиме. Кога ќе има поголеми вложувања, ќе има поголем квалитет, клубовите ќе остваруваат подобри резултати во Европа, ќе има можност да се носат поквалитетни засилувања и со тоа ќе се врати и публиката на стадионите.

Веќе неколку години инвестирате во фудбалот. Во Европа, тоа е најпрофитабилен спорт, а воедно и голем бизнис. Дали е така и во Македонија и дали би можело да биде така во иднина? Дали фудбалот може да стане профитабилен и спорт од кој ќе живеат оние кои инвестираат во него? Сега, сите што инвестираат го прават тоа само од добра волја…

С$ уште сме во фудбалот со една добра волја, а во Македонија инвестирањето во фудбалот не се смета за бизнис. Бизнисот во фудбалот е надвор од Македонија, а просечниот фудбалски клуб кај нас, па и ние како шампиони не можеме да го почуствуваме благодетот од сето тоа играње. Трошоците кои се прават се големи, а повратокот е мал. Ние во Македонија можеме да се концентрираме на производство на фудбалери, кои подоцна би ги пласирале, меѓутоа тоа производство на фудбалери е меч со две острици и никогаш не знаеш на што ќе бидеш. Тие фудбалери треба да се промовираат за да добијат на цена, а како ќе се промовираат ако не преку меѓународни натпревари. Играњето во евро-куповите за нас не значи остварување на финансиска добивка, туку создавање на имиџ и запознавање со останатиот дел од Европа и правење на контакти.

Колкав е годишниот буџет на Работнички Кометал?

Годишниот буџет на клубот Работнички е најголем буџет во Република Македонија. Само тоа би можел да го кажам. Ние внимаваме на секој детал. На фудбалерот му го овозможуваме максималното што може да се овозможи, почнувајќи од витамини, сместување, плаќање сметки, с$ до подготовки на високо ниво и редовна исплата на сите договорени средства. Фудбалерите воопшто не треба да се оптеретуваат со секојдневните проблеми што ги снаоѓаат останатите фудбалери во Македонија. Сето тоа чини. Организацијата чини скапо. Според тоа што го вложуваме, не го добивме тоа што го заслуживме, но фудбалот е топка, никогаш не се знае на што ќе налетате и што можете да очекувате.

Приходите од настапот во Европа, според информациите до кои дојдовме, изнесуваат околу 550.000 евра. За што се користат овие пари? Дали се ре-инвестираат во клубот или се повлекуваат за надоместување на дел од инвестицијата на спонзорот?

Да, точна ви е информацијата, приходите беа околу 550.000 евра, од кои дел се инвестираат во инфраструктурата на клубот. Имавме проект на поставување на рефлектори на помошното игралиште и некои други инвестиции. Ниту еден денар не е повлечен од Македонија, сето тоа што го имаме добиено се троши. Тоа се 420.000 евра, а според последната распределба, очекуваме уште околу 100.000 евра да ни пристигнат на сметката околу месец јули. Дел од средствата се веќе потрошени, а бараме најдобри начини како да ги искористиме останатите, за клубот во некоја рака да може да работи профитабилно, односно во иднина да заработува уште повеќе.
Како што знаете, Работнички почнува и да се шири и сега функционира како еден претставник на големиот Милан на нашите простори. Токму дел од тие средства кои се пристигнати од настапот во Европа се искористени за реализација на овој проект. Кампот на Милан ќе трае една седмица, а во Македонија ќе дојдат еминентни имиња кои ќе работат со нашите фудбалери.

Според вашите проценки, колкава е минималната сума на пари која е потребна да се води еден просечен клуб во Македонија?

Сумата се движи од 150.000 до 200.000 евра годишно.

Што би им препорачале на луѓето кои сакаат да почнат со инвестирање во фудбалот?

Јас ќе ви кажам еден пример со господинот Николовски (н.з. семејството Николовски го водат ФК Македонија Ѓорче Петров). Кога тие влегуваа во фудбалот, имавме еден неформален разговор во кој јас ги запрашав колкав ќе биде буџетот на Македонија Ѓорче Петров. Ми рекоа дека тоа ќе биде отприлика 200.000 евра. Мојот одговор беше дека ќе се борат за опстанок. А сега вие прашајте ги колкав им е буџетот и колку потрошиле изминативе две години.

Какви се идните планови на Работнички Кометал?

Нашите цели за следната сезона се исти како и претходните години, освојување на двојната круна во Македонија. За да го оствариме тоа мораме да доведеме адекватни засилувања, фудбалери кои се подобри од сегашните кои ги има Работнички. Дел од фудбалерите ќе мора да си заминат бидејќи веќе не можеме да трпиме импровизации од нивна страна. Дел од фудбалерите ги ставаме на трансфер листата и ќе се обидеме од нивната продажба да заработиме, со што подоцна би вложиле во нови засилувања.
Во врска со тренерот, му веруваме и тој ќе остане во Работнички Кометал и следната сезона. Уште кога се договаравме се договоривме тој да го води клубот до крајот на оваа сезона и во следната, со тоа што на полу-сезоната следната зима ќе седнеме на маса и ќе го ревидираме договорот, нормално, во зависност од остварените резултати.
Во Европа играме со неатрактивни противници против кои еден мал кикс би значел испаѓање од Купот на УЕФА, но мислам дека тоа ќе биде едно добро искуство за нас како клуб, да го почувствуваме и “мирисот” на тоа натпреварување. Мислам дека првото коло ќе го поминеме иако се наоѓаме во групата на аутсајдери и ќе се пласираме во второто коло, па потоа, што биде нека биде.

Каква е вашата филозофија: дали сте за поатрактивен противник кој носи скоро сигурна елиминација, но поголем профит или неатрактивен и послаб противник кој носи поголема шанса за пласман во следното коло?

Изминативе години Македонија виде доста атрактивни противници, како со репрезентацијата, така и на клупски план. Гледаме дека тие противници носат профит и дополнителни средства кои многу помагаат за понатамошни инвестирања. Во овој дел, мојата девиза е да се добие што полесен противник за да се стигне што подалеку. Доколку, пак, се добие атрактивен противник кој носи поголем профит, парите да се ре-инвестираат во клубот.

Кога би ги споредиле ракометниот Кометал Ѓорче Петров и фудбалскиот Работнички Кометал, кои се сличностите, а кои разликите во однос на водењето на овие два клуба. Каде е полесно да се води клуб, во фудбалот или ракометот?

Ракометот и фудбалот се два различни спортови кои воопшто немаат допирни точки. Женскиот ракомет кај нас се базира врз само еден клуб, а сите останати преживуваат. Тој клуб има екстра-квалитетни играчи, стручен штаб и настапува директно во фазата по групи во Лигата на шампионите со што може да се рече дека успехот е загарантиран, до некаде.
Фудбалот е сосема друга димензија, каде треба да изодиш долг пат за да дојдеш до тоа место кое сега го има Кометал ЃП во ракометот. Треба и многу среќа за да достигнеш некој зенит, за наши услови, и да оствариш некаква поосетлива финансиска добивка.
Значи, во Македонија, во суштина, ова се дијаметрално различни спортови – едниот значи бизнис, а другиот само љубов.

Интервјуто е правено по крајот на натпреварувачката сезона 2006/07 во просториите на компанијата Кометал Трејд во Скопје. Објавено е во месечниот спортски магазин Esport.